داري دمعك وابتسم

قول على جرحك دا خدش

سطحي.... 

فوق الجلد بكرة هيلتئم

وانسى ألمك ما تقاومش

خلي إحساسك حقيقي 

حتى لو كان ما اتفهمش

واوعى ييجي نهار جديد 

وانت ناوي تنتقم 

خد نصيبك ضحكة صافية 

ضحكة مش مليانة غش

عيش سعيد حتى لو دمعك ليلاتي

فوق خدودك ما اتمسحش

دي الحياة لو يوم تفكر بس فيها 

  هتلقيها بألف وش 

وش يلعن في اللي شاري 

واللي باع بتقول ما باعش  

الهموم هيجيها يوم

جوا منك تتردم 

و مع اللي ظلمك خد نصيحتي 

ما تحاولش 

إنه يوم يرحم دموعك

أو ما يحلمش بخضوعك

مش هيفهم إن فيه جواك أمل 

عاش بيحلم إنه يحلم  

بس حلمه ما اكتملش