بلياتشو

ساعات بياخدنا الفرح 

وبنحزن كتير ساعات

ساعات نرتاح بالكلام 

ساعات يكتفنا السكات

كتير اللي منا وجرحونا 

وبنجرح اللي منا أوقات

أوقات يسكنا الوجع

حُزن وألم وشوية آهات 

مرة ينصفنا الصراخ

وبيخذلنا الصراخ مرات

بضحكة على الشفايف

بنخبي الوجع لحظات

وجع متخبي بجلدنا

وله معانا كتير حكايات

مَرسومة الملامح بحرفنه

كما البلياتشو يا بهوات

صَنعته الضحك والفرفشه

على الحزن يصحى ويبات 

عايشين ميتين متهمشين 

وكأننا قبل الفنى أموات

أو بنتمنى لو إننا أموات