وعوزة أنساك ومش عارفة

أنا مش قادرة أسيبك يوم

وليه دايما بكون خايفة

وليه طيفك حارمني النوم

فلو تسمح تشيل صورتك 

تشيل اسمك...

تشيل حكاويك...

ومن قلبي تاخد موقف

لا تتبسم...

ولا تسلم..

و لا عاد بينا فيه تلاكيك 

وأنا أوعد قلبك الغالي 

بإني بجد...

هشتاقلك.. 

وهندهلك...

وطول الوقت هبعتلك

سلام من روحي تطمن 

علي روحك 

طب أعمل إيه... 

في قلبي اللي تملي بجد

 بينادي حروف اسمك...

جدار القلب بيقاسمك...

نغم روحه..

وجوا النبض ليك طلة

بتطبطب على جروحه

يا قلبي يا كل ما ليا 

أنا مش قادرة أسيبك يوم 

فسيبني إنت

وبلاش تبعتلي طيف روحك

يصحيني.. 

يناديني... 

ويلمس قلبي من جوا

كفاية إني أنا أحبك

بجد... 

بشدة...

وبقوة

صباحك حب