وصبح جديد يناديني... 

بنور شمسه

وفرح بعيد... يواسيني

بحنين همسه

يا ضي نهاري أنا جاية بغنيلك

وحالف قلبي بعذابه

إنه يحكيلك

وهيقولك على

الأشواق وسهر الليل 

ويشكيلك...

وهينادي على البسمة 

اللي في عيونك... 

فتطرح فرح.. 

أنا ناوية إني أتغير 

وهسمعلك

فناديني...

ولو بالهمس... 

وعلى خيوط الوجع هنسج ..

شعاع الشمس... 

جناين نور تضوي لي... 

جراح الأمس....

ومن كام وردة حواليا... 

هنادي الفرح....

بصوت مجروح لكن قادر ...

يداوي الجرح...

وهتغير...فصدقني..

هكون واحدة.. 

غير إمبارح... 

وعمر الخوف 

ما يغلبني..

هكون متفائلة وسعيدة

بجنون همسك..

فتعالالي...

أوام... دلوقتي.. 

مش بكرة

وهات شمسك