ولسه ذكريات الروح 

معاك صاحية مبتنامشي

ولسه القلب في رحابك 

حالف يفضل..

ولا يمشي 

ولسه النبض بيخبط

على بابك.. 

ومطمن مبيخافشي

ولسه الروح

محاوطة عنيك.. 

وبتسلم يا عمري عليك..

تناديني بنغم قلبك 

وهمساتك.. 

وتخطف روحي بكلامك.. 

وبسكاتك.. 

متستعجبش من فضلك 

وتستغرب.. 

ده وأنت بعيد 

حنيني إليك

يزيد أكتر ما بتقرب.. 

ده عمر البعد ما يفرق.. 

ما بين قلبين.. 

على الأشواق ياما اتعاهدوا.. 

وكانوا حالفين... 

هيبقوا لبعض.. 

ومش لازم هنا ع الأرض..

ما يمكن يوم هنتجمع 

في حلم بعيد.. 

تكوني لوحدي وأكونلك.. 

ده بالتأكيد.. 

ف وحياتك بلاش تعند 

تعالى وزورني في الأحلام.. 

كفاية أن نسيم طيفك

مخاصمني 3 أيام... 

ف يلا صالحني من فضلك..

وبكلامي متستهترش.. 

ده أنا وحياة غرام قلبي.. 

على بعادك أنا مقدرش.. 

خلاص الحلم أهو هيبدأ.. 

وهستناك... 

متتأخرش..