ليلة..

من ليالي كتيرة

دمع.. شك..

ونار وغيرة

ليلة تجرح..

ليلة تدبح..

ليلة توعد قلبي..

بوعود مستحيلة..

وأما أصدق زيف وعودك

تختفي وتسيبلي روحي..

مكسورة وذليلة..

ليلة تكفي اني اسيبك

وان قلبي يكون خلاص مبقاش حبيبك

واني ابعد واحتمي من نار لهيبك

ليلة واحدة تغير الدنيا في عنيا

وابتدي عمري اللي جاي بروح قوية

وانسى ماضي ف يوم جمعنا..

ولو اجتمعنا..

او صادفتك مرة يعني ف الطريق

هبقى مش عارفاك..

ومش شايفاك عنيا..

ليلة واحدة..

 من ليالي كتيرة