ليلة واحده

ليلة..

من ليالي كتيرة

دمع.. شك..

ونار وغيرة

ليلة تجرح..

ليلة تدبح..

ليلة توعد قلبي..

بوعود مستحيلة..

وأما أصدق زيف وعودك

تختفي وتسيبلي روحي..

مكسورة وذليلة..

ليلة تكفي إني اسيبك

وإن قلبي يكون خلاص مبقاش حبيبك

وإني أبعد وأحتمي من نار لهيبك

ليلة واحدة تغير الدنيا في عنيا

وأبتدي عمري اللي جاي بروح قوية

وأنسى ماضي ف يوم جمعنا..

ولو اجتمعنا..

أو صادفتك مرة يعني ف الطريق

هبقى مش عارفاك..

ومش شايفاك عنيا..

ليلة واحدة..

 من ليالي كتيرة