إوعاك تشوف الظلام 

وتقول خلاص 

طبلت واتعميت ..

شايف خيالك .. أيوه بص

 يبقي أكيد فيه ضيّ 

لو بصيت ..

حلوة الحياه لما تعافر فيها 

وتيجي الفرحه بعد الآه

وتقول خلاص عديت ..

لو ألف إيد بترجعني لورا

دايماً بكمل 

ولا عمري لليأس و الضعف

 وطيت ..

اسمع كلامي ارفع لي راسك

كل اللي جنبك حته منك

ليه للهموم حنيت 

و اتحنيت ..

كله معاك ماسك في حلمك

والحلم أهو .. طال الجميع

اوعاك تنخ وتنكسر 

ويتهدم ما بنيت ..

نهارنا راح يطلع 

وويا شعاع النور 

راح تختفي العتمة 

وكل ما عانيت ..

حارب بقلمك 

أي ضعف وأي خوف

وأي شيء يتقال عليه مستحيل 

ماتصدقوش

اسمع كلامي ياريت ..

ومن النهارده لازم تصدق

 إن شمس الحق باقية

على أد نوايانا هنأخد

قول يارب بعلو صوتك 

صدقني هتلاقيها حلوة

        وزي اتمنيت ..