أشواقنا

على ايدينا اتولد شوقنا

وعاش واتربى ف عينينا

وكبرناه لاجل تمللي يجمعنا

لو الأحوال ساءت بينّا

وجيه زمانّا وقسيّ علينا

قولناله يكون دايمًا على ميعادنا

وف حضنه بكل القوة يسندنا

وإياه يرضى لو لحظة بكسرتنا

   ف علمناه يكون "إنسان"

وقت المحنة يحضنّا وما يبعدنا

وزاد الشوق جوا قلوبنا واتمكن

ينادينا بعزم ما فيه ويتمسكن

ومن أحلامنا بقا لينا دفا ومسكن

وخلا فراقنا يبقى مُحال

عمره لا يبقى ولا يٌمكن

بس احنا خلفنا الوعد

وده حالنا يا بني آدميين ..أه والله بجد

لا لينا كلمة ولا بنحفظ لبعض الوِد

     نسيب أشواقنا تقتلنا 

ولو هنعيش بنتدبح بعض

ونكابر ونتألم

وهنكشر وهنبلِم

ونعدي ولا نسلِم

ونخسر بعض ع الهايفة

وأشواقنا تبات خايفة

وتلعن يوم ماكان لها يوم

     على ايدينا