عشق بقلب ام ...

 اصعب انواع الحب عند الست ...

لو الست حبتك بقلب الام وشافتك ابوها قبل حبيبها صدقونى مش سهلة ابدا وبتفضل عايشه ف صراع داخلى محدش يقدر عليه ...

الحبيبه .. هتغير , هتشتاق , هتركز ف ادق التفاصيل , هتبقي عايزاك كل حاجه ليها , محدش يقرب منك ,

هتتعفرت لو لقيتك متغير من غير ما تفهم السبب ,

 عايزاك دايما تكون قريب ودايما تثبت ف حبك ليها وتحسسها انه بيزيد

الام .. عارفه انها ام ف مفيش مكان للغيره من اى حد لانه مش هيتساوى بيها ,

 هتحب تشوفك دايما بس مقدرة انشغالك ,

 هتركز ف كل حاجه خاصه بيك بس من باب الاعتناء

 ب ابنها , هتبقي عايزه تشوفك مبسوط ودا اهم حاجه عندها حتى لو قولتلها خارج مع صحابي اتبسط هتفرح ومش هتزعل انك هتسيبها لوحدها وتخرج ,

لو لقيتك متغير هتطبطب عليك وتسيبك لحد ماتيجى تحكيلها مالك ,

مهما بعدت هتبقي عارفه مكانها ف قلبك ومش محتاجه اثبات ....

لو جمعنا الصفات بتاعت الحبيبه مع الام ودمجناهم وحطيناهم ف قلب واحده حبتك بجد متخيل هتكون عامله ازاى ؟!!

متخيل الحرب اللى هي فيها مع نفسها ؟!!

 طب هتصدق انها بتحاسب نفسها على كل حاجه بتخرج منها ليك ممكن تضايقك قبل حسابك انت ليها !!!

 يعنى لو اتخانقت معاك عشان خرجت وسبتها , دقيقتين بالظبط وهتكون قاعده بتأنب ف نفسها

( انتى ليه عملتي كدا حرام عليكى سبيه يتبسط ...

دى الام ) 

( ليه بقي ان شاء الله هو انا كنت منكده عليه ف ايه ماانا مبخرجش عشان اقعد معاه هو ليه ميعملش زيي...

 دى الحبيبه )

وهكذا ؛؛؛؛؛؛؛ ممكن تكون شايفها عيوب وطريقة حب تخنق وتقول مع نفسك ايه دا لا انا مستحملش كدا ..

بس فكر مع نفسك شوية وشوف حب الام مع الحبيبه بيغفرولك ايه .. عشان شيفاك ابنها ,,,

هتسامحك لو غلطت ف حقها , هتفوتلك انشغالك عنها , دايما في مبرر هي بتديهولك قبل ماانت بتديه لنفسك , دايما بتستخدم معاك حسن النيه

( الام دايما تقول ابنى مبيغلطش ) عشان شيفاك حبيبها ,,, هتفضل دايما حضناك , هتعمل المستحيل عشان تحافظ عليك , هتقفل اى باب للخلاف بينكم , هتستحمل تقصيرك معاها وعمرها ما هتفكر تعوضه بغيرك دى

اللى بتحب بجد اخر نقطه واهم نقطه (شافتك ابوهاااااا ) الاب ف نظر بنته مبيغلطش , الاب مبيتعوضش , الاب مبيسبش ايد بنته عشان غلطت , الاب دايما بيطبطب ويوجه بنته للصح وينهيها عن الغلط بس من غير ما يقسي عليها , الاب ملوش عوض لو مات لان خلاص مفيش حاجه هتعوض وجوده ف لو قررت تكون ابوها بالله عليك بلاش تيتمها مرتين ...

بلاش تتعامل معاها بقلب وصفه الحبيب

 وتنسي قلب وصفه الاب..