عارفين إحساس ان في حاجة ناقصة ,

اللي هو بنضحك بس الضحكة مش عارفة تلمس قلوبنا  ,

بنعيط.. بس العياط مش راضي يطلع ال ااااااه كاملة ,

بنفرح.. بس الفرح مش كامل ,

 و بنحزن.. بس حزن متداري 

في كلام واقف علي طرف لسانا مش عارف يتقال

أو مش لازم يتقال ,, و في حاجات جوانا مش 

عارفين نعبر عنها أو يمكن مش عاوزين نحكي عنها ,,

فترة ملامحها مش واضحة.. تايه او احنا اللي تايهين عنها ,,

مشاوير مش بتكمل ,,, و سكك غلط تاخدنا ,,,

لا عارفين نعبر و نتكلم

ولا حتى قادرين علي السكوت و الكتمان ,,

وحدة رغم.. زحمة البشر ,,

و صمت رغم.. دوشه الحياه ,,,

واهى سكه ماشيه و يا عالم هتروح بينا على فين.. 💕