في ناس بتفتكر إن الرضا ضعف،
وإن اللي سايبها على الله ده شخص مستسلم…
بس الحقيقة غير كده خالص.
الرضا مش إنك ما تتوجعش،
الرضا إنك تتوجع
وبرضه تقول: يا رب أنا واثق فيك.
مش كل اللي ساكت راضي،
ومش كل اللي بيضحك مرتاح،
في قلوب شايلة أكتر مما يُحتمل
بس متعلقة بربنا
علشان عارفة إن مافيش حد أعدل منه.
إحنا ساعات بنبقى تعبانين،
مش من كتر الهم،
من كتر الشيل لوحدنا،
ومن كتر ما بنقدّم ونستحمل
من غير ما حد يسأل:
إنت كويس؟
بس برغم ده كله
جوه القلب عشم…
عشم إن ربنا ما يكسّرش خاطر حد صبر،
ولا يضيّع عمر حد رضي.
يمكن الفرح يتأخر،
ويمكن الطريق يطوّل،
بس اللي سايبها على الله
عمره ما بيضيع.
يا رب…
إدينا قوة ما تكسرناش،
وطمأنينة تطمّن قلوبنا،
وعوض ينسّينا تعب السنين
ويخلّي اللي جاي أرحم وأجمل.
ونعم بالله… دائمًا وأبدًا ..
2
-2
