الإنعزال مع الذات

هتيجي عليك فترة تحس انك محتاج تقفل على نفسك الف باب وشباك ...

هتحس إنك فعلا محتاج تنعزل ..

مش حبا في العزلة على قد ما هي فترة محاسبة شديدة لتقصيرك في حق نفسك ..

فترة تعالج فيها التشتت ..

احساسك بالتوهان 

هتحس انك محتاج نفسك دي جدا ...

محتاج تسمعك وتفهمك وتطبطب عليك ....

هيجي عليك وقت هتكون رافض تماما الدخول في أي جدال مع حد أو محاولة إقناع حد بفكرة هو قافل عقله أساسا إنه يستوعبها .... 

هتكره الزحمة ...أقصد الزحمة الكدابه..

الناس اللي وجودهم في حياتك زي عدمه ..

هيجي عليك وقت وتقبل أبسط الحلول مش أهمهم ...

 انت مش زعلان من حد ولا واخد موقف من حد .....

انت زعلان من نفسك اوي..

مابقاش في حسبتك إنك تناضل وتعافر..

.كل اللي يهمك إنك تتجاوز ....تتجاوز وبس ...

وبعدها هتحاول تسترد نفسك اللي بدأت تضيع وسط المتاهات الكبيرة..

هيجي عليك وقت تحتاج فيه "نفسك" أكتر من أي حد ..💕