بخرج و بواجه
أسفلت الأرض و جدرانها
و ببص فى عينها
و مش خايفة و لا قلقانة
مهى أصل الدنيا اللى على الأرض
فجرة
و قادرة
و واعرة
و داعرة
بس جبانة
تديك الوش الحلو اللى تشوف بيه
النص المليان فى الكباية
و يادوب تيجى تبل الريق
تلقى النص الفاضى
مخبى جوة فضاه
حواديت مايعة على ناس ضايعة
_ الناس ضايعة _
و قلوب بايعة و بيعاك
ببلاش
فبلاش
تضطر تحط المكياج
و بلاش
تتعب نفسك فى عمل منتاج
للفيلم الهابط المعروض فى السينما .....
اللى كتبها الإنتاج
النمرود
المقروض
المفروض على وقتك
على يومك
و شهورك
و سنينك
اللى عمرها ابدا ماتعود
ماتت
ماتت
طب قول لى :
مين خلد فى الدنيا و عاش
فبلاش
تضطر تحط المكياج
بلاش
و اخرج و واجهه
أسفلت الأرض و جدرانها
و بص فى عينها
مهو أصل الدنيا اللى على الأرض
فاجرة
و قادرة
و واعرة
و داعرة
بس ............................جبانة
دينا سعيد عاصم
هند حمدي عبد الكريم السيد
د. ايمان احمد ابو المجد الدواخلي
آمال محمد صالح احمد
د.خليل السيد خليل محمد
سهر محمد رمضان صيام
عبير عبد الرحيم عبد الحميد السيد
محمد عبد المنعم ابراهيم محمد
د. نهله عبد الحكم احمد عبد الباقي 
د. عبد الوهاب المتولي بدر 
زينب حمدي 
حنان صلاح الدين محمد أبو العنين 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
