أنا و ملامحى الدبلانة ...

أنا و ملامحى الدبلانة ...

 وكراسة أسرارى 

بنتخبط فى حيطان الأسئله فى الدنيا

ليه الكلمات القاسيه؟

اللى دايما ً بتقتـل   

                صغيره ؟؟؟!!!

أم _ سدّ

                         أب _ هدّ

حب _ نار 

والكلمات اللى بتجنن من الحيرة

                   وتحطّك فى دوّامة الإجابات 

              برضه صغيّره ؟؟؟!!!

                   ليه ؟؟ مين ؟؟ امتى ؟؟ إزاى ؟؟ فين ؟ 

و الكلمات النصّابه 

       اللى بتقدر تفرم عمرك ...

              دايما بتبقى حتتين ... شبه الطاحونه

دواعى البروتوكول

 عادات وتقاليـــد 

والكلمات العاشقه 

إزّاى اتولد العشق اللى بينها ؟؟؟!!

زىّ ....

      قصة الحب المشهوره 

                     اللى بين السما والأرض 

عمرك شفت أرض 

مش متغطيّه بسما ؟؟

 والاّ سما مش منيّمه تحتها أرض ..

برغم كل المسافات اللي بينهم 

           وكميّة المخلوقات اللى بتفصلهم

لكن من لحظة ما ربنا خلقهم ..

عمر الزمن .... 

ما قدر يزحزحهم

               ولا سنتيمتر واحد عن بعض 

والكلمات العدوّه

          من فين جابت الإحساس بالكراهيه؟؟؟ 

زىّ .... العداء الأزلى اللى بين.....

 أيــوة و لاءءءء 

كل أيوه ما توافق تجتاز ممنوع

  وتحقّق أمنيه 

لاءءءء 

    تقف لها بالمرصاد ...

 وتمنع تحقيق الأمانى

ومن هنا ثبتت حقيقة

      إن الكلمات اللي المفروض 

                  إنها سعيده 

ماتت .... من الحزن 

 على كلّ الأمانى المترحله .