صعب قوى انك تختار الطريق الصعب لحياتك ؛ الطريق اللى ما يكسرش مبائك؛ و اللى مايتعارضش مع إيمانك؛ و اللى يتوافق مع تربيتك؛ و اللى يشعرك بكرامك و قيمتك؛ غالبا الطريق ده بيكون فيه أفعال كتير تتعارض مع امكنياتك؛ يعنى تكون مفكر و تشتغل خدام او بياع خضار او تغسل اطباق ؛ الفكرة هنا انك تكون حد امكنياتك الجسدية مش على المستوى اللى يسمع لك بالأعمال الحلوة دى ؛ فتقعد تصبر نفسك بانك هتخوض تجربة جديدة ؛ هتقابل كركترات مختلفة من البشر تغوص فى اعماقها؛ لكن ده بيبقه على حساب صحتك النفسية؛ تسمع مفردات عمرك ماسمعتها فى حياتك؛ تضطر تتعامل معاها و الا هايشفوك شخصية طرية و تبدا تاخد على قفاك؛ و فى نفس الوقت بتفضل تجاهد علشان تغيراتك دى تكون ظاهرية و ماتأثرش فى شخصيتك الحقيقية ؛ الحياة هنا بتكون اشبه بحربين؛ حرب بينك و بين السهل اللى بيطلع لك لسانه و يقول لك تعالى هتكسب فلوس كتير و انت مرتاح ايه اللى يرميك على المر ؟ و انت تقول له : لاء انا مرتاح كدة عمرى ما اعمل حاجة تخالف ربى او مبائى او تربيتى انت سهل بس رخيص و انا غالى ؛ و الحرب التانية بينك و بين البيئة المحيطة اللى انت اتحطيت فيها مضطر تتعامل و محرص لحسن تختلط ؛ و تتمنى انك تعيش روحك الحقيقية ؛ تلمس قلبك الحقيقى؛ تكون فى حياتك الحقيقية• ( يارب عوض يليق بالصبر و الالم)
2
-2
