عتاب .. قصيدة

يااااه اخيرااا شفتني..وكمان جاي بتعاتب وتلوم..!

شفتني وانا دبلتي فايديه ..و دراعي فدراعه و الفرحة مالية قلبه وعنيه..!!

طب شفته لما اخدنى فحضنه وقصاد كل الناس قال دى حببتى و زوجتى وبنتى ..ولا خاف من حد يلوم عليه ..

شفتني زماااان لما بعت الدنيا عشانك 

واخترت اكون لك بيتك وامانك ..

وكنت تجازيني بالهجر ساعات واوقات تنطش ولا تردش..و وقت ما اكون محتاجالك واقول دا فلحظة هيبقي معايا ...تسيبني بالايام محتارة ولما أسألك تدروش...

ياسيدي والله دا كت ابسط حاجه منك تسعدني ..

لاعمري طلبت حاجه غالية وأقل شئ كان يعجبني ..!

لكن دلوقتي خلاااص فوقت وشفت قيمتى وحياتى وياه.. 

هحاول ارسم حدوته ليا معاه والبسها ففرحنا طوق ..

وهاحكى ليه ولولادنا اد اييه قلبي مالييه الحنين والشوق ..

هحاول أقرب بينا المسافات لأجل مايشوف قلبي النور من تانى ..

هحاول اعدى سنين عشتها وانا بعانى..وانسي ايام هانت وهان عليها قلبي وبالرخيص بيعاني..

هنسي الكلمات والشعر حبة دفعت قصاده كتير وبدون تفكير ..

شفت الاسي بيزيد و ورود الحب اتحول غصنها لحديد ..

والعروسة اللعبة بقت تمثال مشاعرها أصبحت جليد ..

طب ليه دورت عيونك عني ..وكأنك مش شايف ولا سامع ..!

مش هقدر ألومك دلوقتي ولا اقول حتي ليييه مقدرنيش...!

ماعدش باقيلي فالدنيا ..غير أمل جاي يحيينى من تاني ..يمكن بالخير يعوضني وينسينى قهرتي وأحزانى..

متلومش فيا ولا تعاتب ...مقدرتش أعيش ع فضلة كلام ..

واقبل بانهزامي وكسرتي قصاد شوية حنية منك والسلام ..

كان لاااازم انفض جرحي و اطلق الآاااه من اللجام 

وماجيش ع نفسي اكتر ..ماهي مش بطولة ينحني لها القلب قصاد كأس الغرام ..

مقولتلكش..ان عنتر لما حب اتأسر ومات شهيد حب اعمي ..

ولا قيس لما بص حواليه مالقاش الاهتمام ..

كلها حواديت فالاصل ماتت واندفن معاها الحب من ألف عام..

قصر الكلام ..انسانى و أرجع لاصلك وانسي البراءة اللي كانت وياك.. وانا من ناحيتي هادعيلك و اذكر اسمك بالخير لما افتكرك فصلاة القيام .