خداع

مش ذنبي اني عايشة زى تلاته فجسم واحدة 

البريئة والجريئة واللي بتخاف م الحقيقة 

عايشة فالدنيا بميت طريقة 

عايشة هربانه بسكوتي 

عايشة عيشه كل يوم فيها موتى

لجام الصبر شادد رحايا ..

خايفة يحبسو املي فتابوتى ..

خلوا طعم الدنيا مر علقم 

حلمي يناديني بحس مبحوح ليلاتي..

خروج الروح أسهل اكيييد ...

فزمن الديابة اللي شال ماخلي..

قصر ديل للضعيف جايز دا ولا ..

زمن الشهامة والمروة راح وولي ..

خايفة اقول حب ما في 

خوف بينبض بالحقيقة..العيون ماتت بريئة

جايز يكون الهنا سراب هناك 

شايفاه بعيوني من هنا 

والعشم فغير الله قتلني 

لما خدنى الوهم طاير 

الصبر صوره فصورة ملاك 

واتكلت عليه اوام 

قولت جانى العوض يطبطب 

قابلنى فاتح ايديه والخنجر فالضهر قرب 

سرق ملامح بسمتى ..نهش البراءة من بين ضلوعي 

نزف الحنين فوق كفوفي ..و رجعت نمت من الوجع 

واللي يسألوهم عنى يقولوا عااادي...حبة دلع

لا والله كتر خيركم ودلوقتي بس اقدر اقوول انا بيكم ومنغيركم اد اييه موجوعه ومكسورة ..

و ادي دقني اهي لو شفتوني كملت وعمرتلكم فيها 

دى الدنيا بعد ماهانت وهنت عليكم وعليها ..

دلوقتي اقدر افاجئكم بشخصية جديدة ..ماتت برائتها وطهرتها وعيون الغل كسرتها ..

انا مش هي ..بقيت واحدة تانية ..مش نفس القلب اللي كان بيغفر ذنوبكم ولا هي البنت اللي عاشت 

فبحر قسوتكم ولا هي اناا اللي كانت ع الايام بتتحايل لجل مايتكتب نصيبها مع اللي يستاهل..

خلااااص همشي وافووتهالكم وف قلبي غصة ...

شايله جوايا قصة لما زمان رفضتوا القلب اللي كان يتمنالي الرضا ارضا..وسبتوا جوايا غيطان الوهم 

تزحف من ارضي لسمايا...هارووح خلاص وسايبة ورايا سري بس ع الله ماتعملو نفسكو فالاخر ضحايا.