مكسور يا جناح يمامة ....
طاير بحلم أبيض رقيق جوايا ....

ضايع بوسط سراب لعين ....
ومتحاوط بخيط رماد شانق
الفرح ويايا ....

كم ليله سهرت فيها وحيد ؟!
لا ملامحى ولا شكلى بمرايا ....

إن قالوا جواك غصة ....
قلت دا أنا لو حكيت ....
هبتدى منين الروايا ... ؟!

والهم موج ورا موج ...
بيعلمنا معنى الصبر بحكايا ....

أنا اللى كنت زى الوتد ....
دلوقتى لا عارف مين عليا ومين معايا ...؟!

دى القصة توهه روح ...
واللى إنكتب .... دا قدر ....
حتى ولو مجاش على هوايا ....

سارح بملكوتى ومنطفى ....
حتى ولو شموع الكون معايا ....

والحلم جوايا مات والشغف ....
ماهو اللى زيي ....
عمر ما حلمة جة على مقاسة ....
ولا الفرحة ليها حظ معايا ....