لان دي الحصة التي يتم فيها عمل ايقاف مؤقت عن المحظورات. ..... تاكل ، تشرب ، تروح الحمام ، تجكي مع اللي جنبك ....بس بصوووت واطي،طبعا
و قد تكون الفرحة فرحتان ، لو تحولت الحصة الاحتياطي لحصة العاب لعدم وجود المدرس المتطوع اللي هياخدها ، و قد تتحول الحصة الاحتياطي لحدث تاريخي سعيد يسجل بحروف من نور في سجل الفصل لو اللي غايبه هي ابله عفريته ، او تتحول لسرادق عزاء لو اللي غايب الاستاذ الفنان و اللي،خدت الحصة الاحتياط هي ابله عفريته ، و لو يطول الفصل ينعي الحصة في الاهرام المسائي !!!!
الحصة الذهبية ممكن تمتزج مع مبدأ العصا لمن عصى و تطلع لنا كوكتيل غريب ، و هو تحويل حصة الالعاب بامر من الاستاذ مهيب او الناظر ، لحصة تنضيف فناء المدرسة و جمع مخلفات الطابور و الفسحة .....و غالبا الحصة المشؤمة دي،تصادف في التوقيت المدرسي،حصة ما بعد الفسحه اللي بتكون غالبا الحصة الرابعه ، عليها رحمة الله !!!!
ممكن برضه الحصة الذهبية كانت تحمل وجهين ، انها تكون الحصة الاخيرة و الناظر يقرر بقرار جرىء يوازي قرار تاميم قناة السويس،اننا .....نرووووووووح !!!
فتبقي عيد محلي بقي نحتفل بيه في الشارع ، او عيد يوبيل ذهبي لو كانت حصة ابلة عفريته ،،او نلك من بعضنا و ننشر نفففس النعي في الاهرام لو كانت الحصة الاحتياطي الملغية حصة العاب ،،،، بس برضه كنا بنتحايل عالقانون .....كرتنا معانا ، و ناخد الحصة كما يجب ان يكون كحصة العاب بديله في اي مرتع سري،من مرتع الصبا ،،المهم ان محدش،يشوفك و يقول لابوك ، بدل ما تحصل لك نفس العاهه المستديمه اللي نفدت منها بالوقفه تحت الجرس، و تنقذه هو من مصير الجلطة من احد اعمالك الجليلة !!!!
* رفيقة حياتك ....و المستلزمات !!!
....ّلا طبعا ،،رفيقة حياتك و المستلزمات ليست ابدا المدام و مستلزمات المطبخ ، لسه بدرررري عالمرحلة دي ، احنا لسه في مشوارك المدرسي .....و لكنها الرفيقة التي تحبها لاسبوع ، و تلعن سنسفيلها باقي السنة ......شنطة المدرسة ، و المستلزمات المكتبية !!!
و هنا لنا وقفة ..... لان شنطة المدرسة دي،مشوار لوحدها ..... تدرجت عبر الاجيال ، من كيس قماش ايام جدك و الكتاب "بضم الكاف و تشديد التاء" و الانجليز
مرورا بشنطة جلد بقفل في النص او اتنين عالجنبين و دي صمدت عبر الاجيال صمود عائلة احمس ، للهكسوس ، و ثم طفرة الشنط الحلوة الملونة اللي بقت بسوستة ووجيوب و عليها شخصيات كرتونية زي سلاحف النينجا و كابتن ماجد للاولادو سندريلا و سنووايت للبنات ، و وصولا لجيل غريب من الشنط كان عليه ساعه اكبر من ساعة حائط البيوت ، ثم اكتشف العلماء معاناة الطفل في حمل كمية من الكتب تذكرك باية " كالحمار يحمل اسفار " ، فاخترعوا له الشنططططه بالترولي ، اللي كانت علي راي والدي،رحمه الله تجعل التلميذ زي،نجارين المسلح و هم ساحبين مقص الحديدعلي عجلتين !!!!
في مشوارك .....لا تنسي فرحة شراء الشنطة اول السنة ، اللي بقي مشوار شبه شهري،مع ولادك حاليا سواءا لانحار جودة الصناعه ، او لان ابنك بيطلع قهره فيها ، او لان ميس العربي بتخليه كل يوم يجيب المدرسه سبع كراسات عربي ، و هو بيكتب بمعدل نص صفحة فقط في اليوم ، يعني لو خد اربع ورقات في جيبه هيكفوه عربي طول الاسبوع !!!!
و مشوار شرا الشنطة ، لو مع ماما او خالتو او طنط بيبقي كانك في مراثون ممتع ذو جولات متعدده ، تلف عالمحلات و اللون و الخامة و السعر و تناسبها مع لون رباط جزمة اخوك اللي بيوديك المدرسة ، .... تدور و تلف معاها كانك بتلف علي اكل عيشك حاليا ، او تبحث عن فتاة احلامك !!!
بينما لو مع بابا او عمو ايا كان هذا العمو .....غالبا انك بتلبس في اول شنطة تقابلك مهما كانت غالية ، او كبيرة ، او شكلها انقرض من ايام الديناصورات !!!!
و يستمر مشوار الشنطة ، كانه راية قتال ، تستلمه الاجيال جيلا بعد جيل ، لان الشنطة دي مش شنطة المدرسة بس ....دي بتطور معاك ، فتتحول للاجلاسيه بتاع ايام الكليه ، و مخلة ايام الجيش ، و شنطة السفر الهاند باج اللي بتاخدها معاك عالطايره لو كان لك نصيب تركبها بقي !!!
اما المستلزمات ، فدي حدوته مصرية اصيله ، تشبه فن ربة البيت في عمل السلطة ....و ان كان مشوار تطورها مختلف تماااااما عن مشوار الشنطة ، فبعد ما كانت المستلزمات هم الكراسات و الاقلام و علبة الالوان ....و المقلمة الحلوة اللي اغلب مواليد التمانينات استخدموها و هي مرة بدرج من تحت و مرة بمسطرة من فوق ، مرورا بالحاجات الحلوه هدية عمو " غير عمو بتاع مشوار شرا الشنطة " زي البرايات علي شكل العاب ، و المقلمة اللي بتعمل موسيقي،و اصوات طيور ، و كسرتها لك ابله حميده في حصة الدراسات عشان حبكت تلعب بيها و تقلب الفصل قفص طيور او حديقة حيوان !!
المستلزمات المدرسية تطورت عبر الاجيال ، بعد ما كنت بتفرح بالبرجل "الفرجار بلغة مختار الصحاح" ،
2
-2
