مصر نادت و قالت
يا منسي شكرا
ده القلب مش ناسي
جميلك و تضحيتك
و كل رجالتك
مكانهم علي راسي
وكل بطل ....
بذل حياته
و علي شط الشهاده
مركبه راسي
يا شهيد ....يابطل
احكي و قول اللي حصل
علم ولادي ان العدو قاسي
و ان البطولة و الفداء
احسن عمل قدمتموه ليه
و بدمكم ارض سينا مروية
و بعرقكم جناين بطولة مزقية
و سبتوها للي بعديكم
اغلي وصية !!!!
فاكر يا منسي
قصيدتك ...انا الجيش لا الين
حلفت ...و وفيت بوعدك
و فديتنا و انت بتحمينا
والله صدقت القول و العهد
و نعم الوعد
و صار اسم احمد منسي
وسط ميدان البطولة
من اغلي اسامينا
كملت مشوار الفدا
و قهرت العدا
زي الرفاعي و عب تواب
و مع صحابك كانت شهادتك
تاريخ نحفظه يعلينا
رامي حسانين واقف علي بابها
يقولك اهلا يا بطل مشتاق للقا
فاكر كفاحنا ،و لو هم نسيو
احنا ما نسينا
بين رجال 103 صاعقة
صار منسي علامة
يهتفو باسمه في التدريب
و في الحرب ليوم القيامة
و زي ما قولت يا بطل
ع الجاهل لا ملامة
انه ما يعرف وصفك
و انت بين الابطال
خال...... و شامة
باسم الشهيد نهتف
و بربنا نحلف
نرفع علي خطاه الهامه
و تظل. يا بطلنا
يا صاعقة للتضحية و المجد
و للفدا...... اسمي علامة
~~~~
اهداء الي روح الشهيد البطل
العقيد صاعقة احمد صابر منسي
كلمات
د.احمد مختار حامد ابودهب
10 اكتوبر 2017
2
-2
