.........
يتم الموافقة له على نقل مقر اقامته مع الاسرة الى مجال "بلوتو" , مع استمرار عمله الحالى كما هو ,مع توفير وسيلة انتقال فضائية مناسبة تابعه للعمل .

توقيع
نائب حكيم المجرة
لشؤن مجال المريخ
بيـــنو مـــار الخامس عشر

شعر "فيـــنــو" مـــــار بسعادة غامرة لحصوله اخيرا على موافقة لهذا النقل بعد تقيمه لعدة طلبات , لفترة طويلة !!!
بينو مــار : مش بعيد شوية بلوتو عليك يا فينو ....و جوه بارد كتير عالاولاد ؟

- فينـــو : اهه ابعد ما يكون عن الكائنات البشعة المتوحشة مجالك ...... عارف يا مجال نائب الحكيم ......انا ولادى اتعقدوا من ساعة ما الكائنات دى ظهرت عالقمر ....... واحد من الاولاد عاوز يغير اسمه , ده اتنقل من مدرسة الفضاء المتطور , و راح مدرسة فضائية حكومى عشان الاولاد بيقولو له ....... اسم عيلتك بياكلوه فى الكوكب المرعب !!!!
- بينومار : ههههههههههه , ده طعام الاغنياء عندهم يا فيـــنو ..... انت مهندس فضائى مخك كبير ..... جدك "شمسى " الرابع ما كانش بيفكر زيك كده !!!!
- فينو : و مال جدى "شمسى " بالقصة دى .... مجالك ناسى ان اسمه اتغير تكريما له لانه اول مهندس من المجرة يجيب عينات من نواة الشمس .... و من ساعتها و هو اسمر شوية !!!!
بينو مــار : و انت ناسى , ان اسمه على اسم عيش بياكلوه المخلوقات الصعيدية بالتحديد ....و رغم ذلك عمره ما استعر من الاسم ده زيــــك .... ده مش سبب كافى تشحطط اسرتك و تبعد !!!
- فينو : ما اخبيش على مجــــالك ...... المدام ......جالها "تفرغ لا ارادى " من ساعة ما سمعت ان  الكائنات البشعة دى قربت من الكوكب  !!!!
- بينو مــار: للدرجة دى .... ده البنى ادمين "سلام قول من رب رحيم "  لما بتيجى لهم القصة دى اللى بيسموها "تبول لا ارادى " بتبقى مشكلة ..... مع فارق انهم  مقرفين بالمقارنه بينا  .....خلاص خلاص ...... اتفضل روح عشان تاخد الاولاد و تلحق اخر مركبة رايحة بلوتو !!!

انصرف "فينو"  مسرعا  ....و ما ان وصل الى منزله  , الا و وجد زوجته  "فيــنا "  و ابناءه  "فينـــو اك و فينو بك " يصرخون فى هيستيريا واضحة
- باااااااااااابا  الكائنات المرعبة  جاية عالكوكب ......... عاااااااااااااااااا !!!!
فينا : اسمع يا فينو  ...... لو ما اتصرفتش و مشيتنا من مجال الكوكب ده  , انا  هاحاول اتعلم  من الكائنات  المرعبة  الشريرة  و اعمل لك  زى ما ستاتهم بتعمل  !!!
و قبل ان  يرد فينو  ...... اشارت  فينا  باشارة  حرف  X  فى  الهواء فظهرت  قائمة  تحويل  اجهزة الاستقبال البلازمية  لتستقبل  بث قناة من كوكب  مجاور  ...... كوكب  الارض  ...... كوكب الكائنات  البشعة ...سبب رعب اسرة  فينـــــــو  !!!!!
*      *       *          *          *          *          *          *         
قناة  السى ان ان  -  الولايات المتحدة  الامريكية الشمالية
شتاء 2115
الاف المواطنين يتابعون بث القناة على اجهزة الاستقبال الشخصية , التى تعرض الصورة على اى سطح تبعا للتقنية المستخدمة فى هذا الوقت من تاريخ كوكب الارض و تقدمه التكنولوجى الرهيب ..... انطلقت تلك المركبة الفضائية المتطورة  "الحرية 13"  تحمل  رواد فضاء من عدة جنسيات  يقودهم  رائد الفضاء و الطيار السابق الكولينيل الامريكى "جورج اوباما " , و من بين اعضاء الفريق الباحث المصرى و الناشط السياسى الشهير "عماد الخرابى"  و الذى كرمته وكالة ناسا بالمشاركة فى هذه الرحلة الفضائية لمجهوداته السياسية الرائدة !!!
- الاستعداد للهبوط  على سطح المريخ  !!!
نطق الصوت الالى تلك الجملة داخل المركبة , فاستعد كل رواد  المركبة بتنفيذ اجراءات السلامة  ...... و لمست قدم  الانسان كوكب المريخ  ..... بينما  كانت اسرة  "فينـــــو" المريخية المسكينة  تهرب مذعورة  فى اول سفينة فضائية الى بلوتو  !!!
 *                *              *                   *
- بلوتو يا سادة .... الاستعداد الاول للهبوط 
فينـــــا :   يعنى  بلوتو  بعد  ......ده فركة كعب  ..... ايش ضمنك  ان الارضيين  الملاعين مش هيوصلوا  له  !!!؟ قولت لك  اطلب نقلك  لمجرة تانى  ....اهه كده نبقى فى امان نسبى من شرهم  !!!
فينـــو :  مااالك  بقيتى عامله زى ستات الارض هى ناقصاكى  !!!  "يا بختهم ممكن يطلقوا "
فينـــا :  بتقــــول ايه  !!!
فينو :  و لا حاجة يا ستى  ..و لا حاجة  ....يا ساااتر 
اضغطى  زرار التدفئة التلقائى فى هدوم الاولاد  الجو هنا برد شوية  !!!

و ما ان وصلت الاسرة  منزلهم الجديد  ...الا انهم لم يقاوموا ان يختاروا قائمة بث كوكب المريخ  ليتابعوا  اخر اخبار الغزو المرعب .....غزو  المخلوقات الارضية  لكوكب المريخ الوديع !!!
 *                  *                 *                 *                      *

• تحيات مجال حكيم  المجرة  الكبير  "اينـــــو "
  -  تحيات طيبات  مجال النائب  للمريخ  "بينــــو مـــار"  .....ايه اللى بيحصل عندك ..... و ظابط  لغة النطق للحوار لى على لهجة  الكائنات المصرية  !!!!؟
  - النائب   "بينــــو " :   عشان  المصيبة  السودا  اللى حطت على المريخ مجالك  ...... ده من اسمه  ....الخرابى !!!
  - اينو  :  يعنى الامريكى  هو  اللى نضيف قوى  ....اهه كلهم كائنات زبالة عاوزه الحرق  ....!!!
  بينـــو  : ربنا يحرقهم  بنار جهنم  !!!
  - اينو  :  قول ربنا يهديهم  ...انت عارف مبدأنا ....احنا  ما نعملش شر لحد  ...ما نتمناش شر لحد
  - النائب  بينو  :  شر مين مجالك  ......ده لما ربنا يحرقهم  تبقى  اكبر خير لكوكب الارض  !!!
  اينو : مــا علينا  ............. استعديت لزيارتهم  الغير ميمونه  لكوكبك ؟؟
  بينــــو  : استعديت  .....و اى استعداد بقى ...انا هاقول لمجالك  !!!
  و اتسعت  عينى  اينـــــو  لما يرويه  نائبه بينو مـــار لمجال  المريخ  .... لقد كان واضحا  انه بحكم جيرته  للارضيين  قد  ساءت اخلاقه .....و اتعدى  منهــــــم  !!!!
  
  *              *             *             *                 *

شعر  "عماد الخرابى " بالفخر  و هو يلتقط صورة لنفسه  بتقنية الانعكاس الجزيئى  بجوار علم  الولايات المتحدة الامريكية الشمالية  , و التى  انفصلت عن الجنوب  بعض انتقال  عدوى الثورات اليه و عصفت به و حولته الى  دويلات صغيرة متنازعه  ...... و سرعان ما استخدم تقنية بث جديدة تمكنه من الدخول الى بث شبكة الانترنت الارضية ..... حيث لا يزالون يستخدمون برنامج  التواصل العتيق "فيس بوك " الذى يستخدمه العديد من سكان الارض رغم ظهوره منذ اكثر من قرن  لاهداف خاصة  , نجح مصمموه فى تحقيق الكثير منها  .
و بينما  يتأكد  عماد  من جمال صورته  و يتأكد  من ظهور العلم فيها  , فجأة  ..... اختفى  الكولينيل  "جورج " من بينهم  , و كأنما  ارض المريخ قد ابتلعته  ....و اصيب الفريق برعب شديد لم يدم لثوان ..... و اظلمت الدنيا حولهم فجأه ...و غرقوا فى سبات  عميق !!!!
*         *            *          *

• فتح "جورج" عينيه فوجد نفسه فى مكان غريب ....لا يشبه ما كان يشاهده فى افلام الفضاء مطلقا  !!!!
• Good after noon Mr. Obama
• Oh Shit ….. who The Fu…. !!!
  
• لالالا ....قلة ادب بلاش ..... ادو له مصل اللهجة المصرى ...خلى الحوار يحلى ....مش ناقصة قلة ادب امريكانى
  نفذ معاونو  "بينـــو مـــار "  امره  بسرعة البرق.... و سرعان ما تحول لسان  "جورج"  الى اللهجة المرادة 
  -  انا فين .....و انتو مييين  ....و فين باقى الفريق بتاعى  !!!!
  - ما تخااافش ....هما حتى مش حاسيين باللى بيحصل معاك .....هم فى حالة سبات هالوجينى .... و ماتسألش يعنى ايه عشان مش هاتفهم  !!!
  - جورج برعب شديد  :  انتو مين  و عاوزين منى ايه 
  بينــو  :  شوف شوف  ....امال فين الشجاعة الامريكانى  ..... و فين ايام الاستعراض بالطيارة  الخاصة انت  و "كارلا " .....  ايه نسيت  اللى عملته فى رحلة "هاواى"  السنة اللى فاتت ..... ما تيـــــجى نشـــوف !!!
  اتسعت عيناى جورج على اخرهما عندما  ظهرت امامه مشاهد فى الفراغ  مجسمه له  و لصديقته ..... بل صديقاته  ..... و .....
  - خلاص ...خلاص ......انتو ايه بالظبط  ؟؟
  بينو : احنا  اللى ايه ......انتو ايه اللى جايبكم كوكبنا  ..... خلصتو البلطجة الامريكانى عالكوكب جايين تكملوها  عالكواكب المجاورة 
  شوف يا " جورج بينيت باروخ اوباما " ....... امك اليهوديه  اللى عامله مش يهوديه احنا عارفينها .... علاقتك  بــــصديقاتك ....و غير صديقاتك ....واخد بالك يلا ....احنا معانا نسخ منها ...عالية الجودة !!!
  و قبل ان يكمل  بينو  , صرخ  جورج  : اوامرك يا عم الحاج .....ابوس جزمتك !!!!
  - بينو :  هههه اللهجة  المصرى ماشيه معاك , و مبيناك على حقيقتك  !!!!
  و اخذ يملى بينـــــو مـــــار  اوامره التى لا تقبل النقاش على  جورج !!!!
               *           *            *            *             *

مجـــــال  القائد ........ا لمخلوق التالى جاهز  للاستجواب ......و المخلوق الاول رجع  للسبات  الهالوجينى 
....... دخل "بينو مار" الى القاعة  .....و صرخ قائلا .....مين ده  ....مش هو ده  , فعلى كرسى الاستجواب كان عضو البعثة عن اتحاد الخليخ  "الشيخ  نايف " 
و الذى ما ان رأى بينو ما الا و قال صاخا : ياالله ...ويش تكون  !!!؟
تدخل قائد الحرس "تينو" فى خجل منحنيا على اذن "بينو" قائلا : احنا اسفين مجالك ....تحب نرجعه و اجيب الكائن  المصرى  "الخرابى " ...و لا نديله مصل اللهجه المصرى  !!؟
بينو : بعد ايه ...ما خلاص شافنا  ...انتو ناسيين اننا ما عندناش تقنية تسيطر على ذاكرة البنى ادمين  .انا هتصرف  !!!
شوف  يا سيد نايف  ....ما تخافش  ...... احنا بعثة فضائية مصرية متطورة  , و بنعمل نسخة جديدة  احتفالا باليوبيل الذهبى لبرنامج  كوميدى  قديـــم  اسمه  "رامز وحـــش الفضــــاء"  ....... و حبينا نشوف رد فعلك ....بس ده سر  ما حدش يعرف بيه  ....و لو عاوز تذيع قول ذيع  !!!
نايف  :  لا يا طويل العمر ....سرك فى بير ......ذيع ذيع على بركة الله  !!! هو امتى  موعد الاذاعة  !!!؟
بينو  :  بعد  اربع  سنين ان شاء الله  ...الساعة  12و نص !!!
نايف  :  على خير  ان شاء الله  ..... هانتظر اشوفه ....شكله برنامج  حلووو مرررة !!!
و بعد ان ارجع الحرس نايف الى جوار زملاءه , تكلم القائد تينو هامسا :  هما كل الكائنات من نوعه زيه كد مجالك  ؟؟؟
بينو :  لا طبعا  , دول فيهم  ناس مفكرة و ناس متطورة  خلو منطقة الخليج بتاعتهم جنة خضرا بعد ما كانت صحرا ....بس الامريكان مش هيختاروا معاهم  الا النوع ده بالذات !!!؟
تينـــو:  طيب ليه ما كسرناش عينه  زى  الامريكى  !!!؟
بينــــو  :  تكسر عينه بايه ....ده مش بيعمل حاجة غير ياكل و ينـــام ...و فلوس البترول توصله اول كل شهر !!!!
هاااااااااااتو الهباب اللى انا طالبه .....و ما تسألنيش هم كل المصريين زى اللى هييجى ده  ....المصريين فيهم  شياطين زى اللى هتجيبوه ده .....و فيهم كائنات محترمه  تشبه كده سكان كوكبنا  ما فوارق التركيب !!!؟
قائد الحرس : اللى هى ايه مجالك  ؟؟
بينو :  الفهلوه  !!!؟
القائد :  يعنى ايه مجالك ؟؟
بينــو :  ما هو ده الفارق يا  تينـــــو  ...... روح نوافذ اوامرى و بطل لت و عجن الارضيين !!! 
نفذ الحرس الاوامر ...و فى خلال دقائق كان "عماد" جاهزا على كرسى الاستجواب ,
ما ان وقعت عينى  "عمـــاد الخرابى "  على  بينو مار  ...الا وصرخ  .برعب شديد .."اعوذ بالله من الشيطان الرجيم  "

بينو  مــــار  :  اعوذ بالله  منك انت  ....قال الواد مؤمن قوى  ....انت ياد مش  اخر مرة مسكت المصحف  يوم  ما ماتت حماة خطيبتك  اللى فى مصر و كنت بتقرى كلمة صح و كلمتين غلط  , خطيبتك  اللى فسخت خطوبتها منك  لما شافت الصورة  دى  !!!!
و فجاءة تكونت صورة مجسمة لعماد  ....... لا تصلح للوصف
بينـــو  :  صورتك  دى  ...و لا جايبينها لك  من فيلم من افلام السبكى  بتاعت القرن اللى فات .....عارفه و حضرت افلام التراث الزبالة طبعا !!!
عماد :  ايه يا عم  ...... احنا  هنمسك  على بعض صور .....هو دى عودة القرن  لسيادة المستشار ولا ايه  !!!
بينو  :  ههههههه لا مذاكر تاريخ  يلا ........ امال بتشوه فى تاريخ بلدك ليه على الفيس بوك  !!!!
تنحنح قائد حرس الكوكب "تينو"   قائلا  :  لا مؤاخذة مجالك  .....هو ايه الفيس بوك ده !!!
بينو :  ده برنامج  كده عمره اكتر  من قرن ....بيستخدمه الكائنات دى فى الفتنة  و الكلام الفاضى  , و ينشروا صور لبعض .... شويه محترمه و كتير مش محترمه  ........... و اللى زى ده  بقى  ...يولعوا البلاد حرايق , و يبقو صيع بره  , و يسموهم ناشط سياسى !!!!
عمـــــاد : انا احتج !!!
بينــــو :تصدق يلا ........... لولا انه لا يجوز لنا ...... كنت عملت معاك زى ما بيعملوا في اقسام الشرطة عندكم !!!
قائد الحرس مقاطعا : و يعملوا ايه هناك مجالك !!!
بينـــــو : حاجات كتييير ...... ده ممكن توصل لــــ..... "تينــــــو " هو انا اللى باستجوبه , و لا انت اللى بتستجوبنى .....عموما يا سيدى بصفتك قائد حرس الكوكب هاقولك .....هما هناك بيتدرجـــوا من ظباط و رجاله محترمين بيصلوا فرض بفرض و بيموتوا و هما بيواجهوا الصيع و الشمامين امثال الاخ ده  ...... لامناء شرطة ولاد .... بيغتصبوا البنات !!!!
- قائد الحرس "تينــــــو " : يعنى ايه يغتصبوا , يا مجالك , انا ما سمعتش المصطلح ده قبل  كده ؟؟
"عماد" مقاطعا باستهزاء : امال قائد حرس ايه يا كابتن ,,,و بتحرس مين من مين !!!؟
بينـــــو : هو الحرس لازم يكون بيحرس من الكائنات الرمة اللى زيك و بس  ..... المخلوقات هنا محترمه بالفطره مش زبالة زيـــــك .....ليه فاكرهم زيك ايام الجامعة بيتشعبطوا  على حيطة حمام الطالبات !!!
قائد الحرس "تينـــــو "  :  اخص  ...... ده يستحق اقصى عقوبه لدينا مجالك  ....يستحق  النفى الى كوكب الارض  !!!!!
عمــــاد  :  و انا  موافق ياعمنا  بس انجـــز  !!!!
بينـــــو  :  يــــاد انت جبلة كده ليه  ...... شوف يلا  ...... طلباتنا  هتلاقى رئيس بعثتك  الملعونة دى عارفها  ..... و الا  هتلاقى صفحتك عالفيس بوك بتاعكم  اللى مليانة اكاذيب  و تشويه عن بلدك  و تاريخها  و حضارتها و بطولاتها  , هتتقلب لصفحة لمغامراتك  ......سرقة الجزم  من قدام الجوامع ايام ما كنت فى الاعدادية ...... شلة ثانوى  و اللى كنتو بتعملوه فى المقطم ..... حمام الطالبات فى الجامعة ...... غش الامتحانات ...... خطيبتك  اللى ضربتك بالشبشب فى نص الشارع  لما رجعت من امريكا اول  مرة ....و سبب الجوايز اللى بتديها لك امريكا  !!!!!
 *             *                  *               *             *

ما ان  فتح  عماد عينيه  ...الا و وجد نفسه  كما  هو جوار العلم الامريكى الشمالى  , و الكولينيل جورج  يخرج  من  الحفرة التى سقط فيها ببطء نظرا لضعف الجاذبية  منذ ثوان .....ارسل صورته على الفيس لمحبينه و مشجعينه الذين يتفقوا معه فى اللا مبادىء .....انهت البعثة مهمتها سريعا بناءا على اوامر الكولينيل "جورج" بعد ان حصلت على عينات مختلفة من صخور الكوكب .
و على متن المركبة العائدة الى ارض ..... انفرد الكولينيل جورج بعماد  و اخذوا يتفقون  على بنود التقرير النهائى لرحلتهم  ,...... و عادت السفينة  "الحرية 13"  الى الارض  , و استقبل  روادها استقبال  الابطال  .... و عقدت المؤتمرات  الصحفية  و خرج  التقرير النهائى معلنا  , انه لا توجد  حياة و لا مقوماتها  على كوكب  المريخ  , بل ان جو  كوكب المريخ  سام جدا  و ينصح بعدم  توجه اى بعثة  فضائية  اليه مرة  اخرى  ........ واخذ الحوار يدور بين الصحفيين  و بين افراد البعثة  ,,,,,,,,,,,,, بينما  على كوكب المريخ  , كانت مكالمة فضائية  تدور بين الحكيم اينو  و نائبىه الذان يتابعان بث مباشر للمؤتمر  الصحفى  :
الحكيم  اينو : انا اضطريت اوافقك  على افكارك الشريرة فى ابتزاز الارضيين لانى لم يكن امامى حل اخر لدحر قدومهم على كوكبنا  ..... اخلاقك  ساءت جدا من جيرة الارضيين يا بينو  .....احتمال افكر اعين نائب غيرك  عل المريخ  !!
بينو :  انا ما عملتش حاجة مجالك  , انا عرضت عليهم  بعض من الى بيعملوه  فعلا ....دى مخلوقات  عجيبة  ..... انا ما شوفتش كائنات متوحشة مع بعضها  زى  البنى ادمين دول  ....تاريخهم مليان بالقتل  و الدم  و الخراب و الدمار ,,,,,ده فيه  كائنات بيسموهم الاسرائيليين هناك  ...يا ساتر يا رب  ....مرة  فى التاريخ كبيرهم  اسمه  نتن   يا هوووه ....ما بالك  باقيهم صنفه ايه  .....!!!؟
اينو :  اشكال  رمم  و زبالة  بعيد  عن  المجرة و عن السامعيين !!!
بينــــو :  و لا الكائنات الامريكان اللى ما يتخيروش عنهم  ..... اللى و قال ايه جايين يشوفوا حياة على كوكبنا  .....انتو لا بتشوفوا الحياة فى اللى حواليكم  و جايين تدوروا فى الكواكب التانية !!!
اينو  :  فعلا  ....البشر لا بيشوفوا  من الفيروس  لحد الجن ..... و بعضهم بيكفر بوجود الملايكة ....و جايين يدوروا عالحياة  فى باقى المجرة !!!
بينــــو :  تف  من بقك مجالك  ......باقى مجرة ايه ....ده  احنا معلنين  الزهرة و المريخ  كواكب خطرة  عشان جيرتهم  السودا للارض , و نص سكانهم  عزل  السنين اللى فاتت ...... ربنا يسترها على باقى المجرة  ..... مش منظر لما مجالك  تطلب اللجوء الفضائى لمجرة  تانى  !!!!
اينو: .....فعلا للسف هيل الارض الكوكب المكروه المنبوذ فى مجرتنا ....ربنا كرم بنى ادم , لكن كتير منهم لم  يحترم و يقدر هذا التكريم... ..ايه ده ......ايه الخبر الرهيب ده  !!!!
و بينما  كان كلاهما  يتابع الخبر  المرعب  لهم من احد القنوات  الروسية ......... كانت "فينا "  زوجة  فينو  بمنزلهم  بكوكب بلوتو  تترك  رسالة  بلازمية  لزوجها  مكتوب فيها  :
عزيزى  فينـــــو  ......... لو كان الكائنات  الامريكان  بطلوا  ييجو  مجال المريخ  ...... فالكائنات الروس  اعلنوا  تجهيز رحــــلات لبلوتو  .........ودول مخهم جزمة قديمة  و الكل عارفهم ..... و دينى ما انا  قاعدة لك  فى ام درب التبانة  دى  ...... انا خدت العيال و سافرت مجرة "اللبانة الدكر"  عند أمى اللى عمر البنى ادمين ما سمعوا بيها , ....... لحد  ما ربنا ياخدنى و يريحنى منك ........و من سكان كوكب الارض  !!!!!

د.احمد مختار حامد ابودهب

مايــــو 2015