اسمح لى احيك يا بطل

اسمح لى اقولك يا شهيد

ورا خطاك كان الأمل

 و اللى عملته نعم العمل

ولا عارف قدره الجيل الجديد

يا ترى نوفيك يا بطل

حقك ازاى.......و انت الشهيد

يا رفاعى فين مكانك

فى قلوبنا

و الدم زانك

و البطولة هى نيشانك

و فى صدر كتاب التاريخ

مكتوب زمـــانك

و فوسط ميدان البطولةمرسوم إيمانك

بدمك..و بدم كل شهيد

يا

كل شاب اعرف تاريخك

اعرف عدوك من حبيبك

اعرف داءك من طبيبك

و اللى يداويك و يضحى ليك

يبقى البطل

يبقى رفاعى

خلع بيده ناب الأفاعى

كسر بزنده  راس الاعادى

و ده منه عادى

و ردلك كرامتك يا بلادى

و بقى فى سبيل أراضيكى

شــــــــــــــــهــــــــــــــيـــــــــــــد

إسمح لى أؤدى لك

تحية عسكرية

و بطولتك الشمس

وحواليك

نجوم كتير متدارية

إمتى يجينا اليوم

و نجومنا دى تبقى هيه

القدوة....و هى الدرع الحديد

و يكفيكم انت و هما يا بطل

جنة الخلد

فظل العرش

كفاك انك انت

الــــــشــــهـــــيـــــد

إهداء إلى روح قدوتى....بطل الصاعقة الشهيد ابراهيم الرفاعى و سائر شهداءنا الابرار

-