طالما غنية يبقى مش لازمك تبيعي ! 

دي كانت اغبى جملة سمعتها في حياتي ????

ماشي مفهوم اني اشتري حاجة عجباني و اعرف اجيب منها اتنين و تلاتة و اربعة كمان طالما كيفي فيها 

سواء عربية سواء بيت سواء اكسسوار  

لكن لو الحاجة دي مبستخدمهاش ! ما طبيعي اتخلص منها 

ايه علاقة اني أكون غنية بإني احتفظ بكراكيب ؟ 

غير لو شخص مكتنز او عنده مشاكل نفسية ! 

= اتخلصي منها بأي سعر 

- ليه ؟ لا في سرعة بيع ولا الحاجة ناقصها شئ يخلي سعرها يقل ولا انا محتاجة فلوسها و السلام ! 

فليه ابيعها بيعة وحشة طالما في ايدي ابيعها بيعة كويسة و اكسب فيها كمان ! 

= يعني مفروض الغني مش فارقله مكسب 

- مين قال ؟ في فرق بين انك عايزة تستثمري في الشئ او مجرد عايزة تكسبي فيه تمنه ع الأقل … لكن شئ ملوش ثمن من الأساس يبقى كان نصب مش منتج حقيقي و ملوش قيمة ! 

انتي لما بتبيعي اواني جدتك و طقم الكريستال البوهيمي مش بتكوني عايزه سعر وللا انتي بتطلعيه لله و خلاص ؟ وللا بتكتنزيه عشان محدش راضي يعبره و اي حد هيدفع فلوس في الجديد اروق و خلاص ؟ 

و لما بتبيعيه لحد مقدر قيمته غير لما بتبيعيه لحد مش فاهم قيمته الحقيقية 

الاول هيديكي ثمن كويس و قد يعتبرها قطعة أثرية 

و التاني هيبخس قيمته تماماً 

—————

فالغني بيبيع عادي مش بيكتنز 

و بيبيع بمكسب لأن مش شطارة انه يخسر