أقولك على حاجة ؟ 

من الحجات اللي بحبها جداً في شغلي ان معظمه مع رجالة لسبب بسيط 

الراجل قلما يعرف يتكلم او يعبر عن حاجة جواه 

قلما يثق في دماغ حد يسند عليها 

قلما يطلب الدعم او يقول لحد انا عايز أسند عليك او انا محتاج ده 

قلما يسيب نفسه لمشاعره تحركه تجاه الحجات 

قلما يفتح قلبه أساساً لأن ده محتاج شغل كتير ع النفس مش الكل واعي لأنه يعمله 

فبنفوق على حالات انتحار او وقعات شديدة جداً مفيش وسط 

مش زي البنات مثلاً بتصيح مع صحابها او في أي مكان 

بتحط ميكب و ترسم و تلون و تفضل تعمل انواع مختلفة من الفنون تتخلص بيها من المشاعر السلبية اللي جواها 

بتلبس وش ذكوري و تفضل تشتم في الرجالة و سنينها فتحس انها تمام 

و اي حجات تانية 

حجات عادة الرجالة مبتعملهاش 

مش هتلاقي واحد داخل عليك يصيح عشان بيحب لأنه متوقع تماماً رد فعلك كذكر زيه و هو مش عايز يسمعه حقيقي

ولا هتلاقيه دخل يصيح اونلاين انه اتخان و انه اتساب و انه و انه 

ولا هتلاقيه يسيب نفسه لأنواع الفنون المختلفة و يقنع نفسه انها بتفرق لأ ! هو عايز يسوق جرار وللا بلدوزر يكسر بيه عمدان في الشارع و يدخل بيه في حيطان عشان يحس انه تمام 

فالرجالة حياتهم على انها ظاهرة بسيطة … لكن في حقيقتها هي مش بسيطة اطلاقاً و مليانة بالتعقيدات 

عشان كده بحب أساعدهم ♥️