زي الرمل الناس تتفرفط
من بين إيدك تجري تلم
ولا بتحصل واحد منهم
ولا تعرف ده كابوس أو حلم
اللي حيبقى معاك في الآخر
جوه كفوفك بيته وسكنه
لا بيتفرفط ولا يتأخر
عارف إن عيونك وطنه
وإنك روحه وإنك دوحه
وإن الدمعة إن نزلت منك
عيبة في حق وجوده جوارك
وإن الضحكة المالية عنيك
دي وجوده هو في قلبك دارك
أوعى تلم في المتفرفط
سيبه يفط ينط ويجري
اللي حبيبك فعلا يعني
لو تنده له يجيلك يجري
إذا مالبدش جوه القلب
سيبك بقى من ولاد ال....

رانيا ثروت