#القمر النهاردة ولمدة يومين ونص في #السرطان  يعني في بيته اللي بيحكمه و ده هيقلب علينا ذكريات الطفولة بشكل قوي واشتياق واضح للاهل وربما كمان استدعاء للذكريات السيئة الخاصة بالاهل عند البعض

ناس كتير بتحلم باهلها المتوفيين او بيت الطفولة والمدرسة خلال قمر السرطان

#القمر حقيقي في بيته بيكون مبسوط بس طاقة النهاردة هتكون شوية فيها عنف وكسل وشوية اكتئاب من اللي بتحبوه وده لان القمر عامل تربيع مع #المريخ و #نبتون و #المشتري

ناس كتير راحت شغلها متأخر وناس تانية كبرت خالص ..احساس بالكسل والانتخة ورغبة اكتر في الاكل عند ناس وناس تانية العكس تماما

احذروا الكدب اليومين دول وراجعوا الكلام اللي بتسمعوه مرتين علشان طاقته زايدة حابتين وهيحصل مواجهات بسببه كتير

بتزيد حوادث العنف الاسري والخناقات مع الاهل وتحديدا الام وهنسمع عن جرايم مؤذية فتجنبوا ده تماما وتجنبوا تفاعلكم مع الاخبار السلبية لانكم طول تربيع  #القمر لنبتون زي الاسفنجة بتتاثروا نفسيا وجسمانيا باي خبر او كلمة او موقف 

مش وقت مناسب للسفر ولا للبحر وبتزيد شوية خلال اليومين دول ربما حوادث الغرق او حوادث تخص السفن

عطارد تربيع زحل تعطيل الاوراق الرسمية وارد جدا خلال الاسبوع ده ومشاكل مع السلطات يعني تزيد الغرامات والمخالفات والخصومات في الشغل وحاجة فل

النهاردة وبكرة مش يوم مناسب اوي نبدا حاجة جديدة نكمل اللي بنعمله وبس ونتجنب طاقة الجدال والاشخاص السلبيين تحديدا طاقتهم معدية

وارد برضه يحصل تاخير في مستحقات مادية منتظرينها ومش وقت مناسب لاي قرض

مستمر طاقة عودة ناس من الماضي اما علشان تحسموا اموركم بشكل نهائي معاهم او علشان تطلعوهم من حياتكم للابد

مرضي #الاكتئاب ممكن تزيد خلال اليومين دول حوادث الانتحار او انهم ياذوا نفسهم وبيزيد اللجوء للادوية المنومة او المخدرة فنخلي بالنا

احذروا النار والالات الحادة والسكاكين وخلي بالكم اوي وانتوا سايقيين

التحذيرات مش معناها انه يوم سئ معناها انكم تخلوا بالكم لان المعرفة نعمة والتحذير ميقلش اهمية عن اني اقولكم  ان في احتمال تكسبوا مليون جنيه

#نشرة اخبار الكواكب