اللقطة الأولى

لقطات من الذاكرة

انا و خالى 

وقت استشهاد بابا خالى كان طالب بكليه الطب .. 

(كان اقرب الناس شبهاً بوالدى ، رغم انه أخو زوجته)

بعد الاستشهاد شعر خالى بالمسؤليه تجاهى انا و اخى و ماما .. و رغم ان خالى ولد وحيد على فتاتين و هو الأصغر فيهم .. إلا انه تربيه الجيل الناصرى .. جيل الرجولة و المسؤليه و الشهامه و حب الوطن بلا مقابل .. 

له عندى منزله ليس لها مسمى .. 

فهو هرم بداخل قلبى

وضع بداخلى انا واخى اجمل و أرقى البذور التى نحيا بها حتى الآن 

فرحتى بعودته نهائياً لأرض الوطن ايقظت لقطات لا أنساها 

* اللقطة الأولى .. 

بعد استشهاد بابا وضع على زجاج باب حجره النوم خريطه لسيناء .. و كان يرفعنى على كتفه و يشاور بأصبعه على الخريطة و يقولى لى .. 

" سيناء .. الارض دى اسمها سيناء .. دى اللى بابا احمد استشهد فيها وهو بيحررها و يرجعها لنا .. علشان يحافظ على حياتنا و كرامتنا " 

كان كلام كبير مش مستوعبه معناه وقتها و لكنه حفر فى قلبى .. و عشقت سيناء لان دم بابا رواها .. و هو الدم الذى يجرى بعروقى .. احببتها لان جزء من أرضها مروى بدمى .. 

كنت انظر لها و أنسى اسمها .. فأجرى اليه و اقول له و انا اشاور لأعلى على الخريطة بأصبعى الصغير ..  

" اونكل عصام حضرتك قلت لى اسمها ايه ؟ .. فيحملنى و يرفعنى لأعلى و هو يشاور عليها بإصبعه الجميل .. سيناء .. قولى ورايا .. سيناء .. رددتها ورائه ثلاث مرات و لم انساها بعدها أبداً .. فقد حفرت فى قلبى و فى عقلى 

بنت الشهيد 

نهلة أحمد حسن