لا تستهينوا بالتدقيق اللغوي

عمري ما فكرت أعمل قائمة بسابقة أعمالي كمدقق لغوي

سواء لرسائل جامعية أو أبحاث أو كتب دينية وروايات وقصص

لكن الحمد لله 

أنا سوابقي كتير 🤣

بس واضح أن ده مهم جدا لما بلاقي حد بيقدم نفسه كمدقق لغوي وتحت اسمه قائمة بعناوين الكتب و الأبحاث اللي ساهم فيها

لكن فعلا هما كتير جدا 

أنا لي في هذا المجال حوالي ١٠ سنوات استمتعت فيها بقراءة أعمال قيمة، وأجبرت فيها على التعامل مع اعمال سطحية 

جربت فكرة إعادة الصياغة مرة لقتني بكتب العمل مرة تانية لدرجة أني غيرت العنوان الساذج 

محاولة لن أكررها تاني 

اتنصب عليا -مش كتير- لكن مفكرتش غير اني رحمت القراء من كارثة لغوية حقيقية بين دفتي كتاب

بعض الكتاب كانوا بيعدلوا في الأحداث والتفاصيل بعد ما اكون خلصت نص العمل وأكثر

وأعيد من الأول

ودي اكتر حاجة بتضايقني اكتر من انك تنصب عليا ومتبعتليش أجري

التدقيق اللغوي مسألة شاقة ومرهقة النظر والعقل والظهر وبتاكل الوقت أكل

فلو عايز شغلك يتقرا والناس تركز فيه لازم تتجنب وقوع القارئ في مطب خطأ لغوي

إن لم يكن متخصص فبالطبع سيصطدم بلامنطقية نصب مرفوع أو العكس

إنها الفطرة التي تغلف الفكرة وتلمعها

معرفش بقول الكلام ده ليه لكن أرجوكم بلاش تستهينوا بالمسألة دي حتى لو لجأتم للذكاء الاصطناعي

شاطر إلى حد كبير والله

بس بلاش العمل يخرج بالاستهانة دي عشان احنا تعبنا

#يوميات_مدقق_لغوي