---------------------------------

 

1- بتعرف ده .... حاجة جواك بتقولك ده الشخص المناسب تماماً ليك

حاجة جواك بتقولك تتخلى عن كل حاجة حلمت بيها و توقعتها فى العلاقات 

و تسيب نفسك تماماً.

 

2- عديتوا فى حياة بعض قبل كده .. كنتوا فى نفس الأماكن لنفس الأسباب لكنكوا متقابلتوش عشان لسة مجاش الوقت المناسب.

 

3- أرواحكوا بتتلاقى فى الوقت المناسب تماماً ... أيوه بيحصل تحضيرات كتير قبل ما كل واحد فيكو يكون مستعد يستقبل النوع ده من التواصل رغم تواجدكوا فى نفس الأماكن ... فبتدخلوا فى علاقات فاشلة أو لسه مش مستعدين تتخلوا عن قايمة الشخص الكامل اللى بتدوروا عليه ... فى موضوع ال 

Soul mates 

الوقت هو كل حاجة.

 

4- انكوا تكونوا ساكتين سوا دى حاجة لطيفة و مريحة جداً.

 

5- بتعرف تسمع أفكار الشخص التانى من غير ما يقولها.

 

6- بتحسوا بآلام بعض و بكل تفاصيل اللى حاسينه من دخلة البيت بس أو من نبرة صوت و غيره.

 

7- عارفين نزوات بعض و شايفين الفوايد اللى من وراها. 

 

8- عندكوا نفس الأهداف فى حياتكوا و واقفين فى نفس الصفحة فيما يخص القيم و الأخلاق ... قد يكون طريقتكوا للوصول مختلفة لكن بتتشاركوا النهاية و النتيجة.

 

9- مش بتخافوا تتكلموا ... بتكونوا عارفين ان الكلام فى أوقات كتير بيبقى تحدى لكن لما بتعملوه سوا بيعدى كويس.

 

10- مش بتحس بتهديد لما بتطلب تقعد لوحدك .. بتحترموا احتياجكوا للاستقلال فى أوقات معينة.

 

11- مبتمارسوش الغيرة ... عارفين مهما كان حوالين الطرف التانى فانت الحد المناسب ليه و الشخص الوحيد فى حياته.

 

12- بتحترموا اختلافات بعض و آراء بعض.

 

13- مبتهددوش بعض, صوتكوا مبيعلاش, مبتغلطوش فى بعض بشتايم...

 

أكيد بتغضبوا و جداً كمان لكن مبتأذوش بعض.

 

14- العطاء بالنسبالك بيكون عشان تخلى الشخص اللى قدامك مبسوط ... كتير بيكون العطاء عادة غير صحية فى العلاقات الاعتمادية لكن بين دول الوضع مختلف.

 

15- بتعرفوا ازاى تعتذروا... بيكون صعب جداً تعترف انك عملت حاجة زعلت حبيبك منك ... و كمان بتكون مدرك تماماً ان الكلمة و الفعل ده زعلوه .. فحتى لو انت صح تماماً فى وجهة نظرك .. بتعتذر عن الأذى اللى سببتهوله.

 

16-  كل مرة بتتحطوا فى اختيار ... بتختاروا بعض بردوا.

 

17- بتكملوا بعض.