الست اللي بتضحك طول الليل مع راجل غريب في التليفون وابنها الشاب المراهق سامعها وعارف إنها بتخون أبوه ياترى إيه مشاعرها وهي بتدمر ابنها وبتخليه يفقد الثقة في كل الستات ! وياريت تقولي لما ابنها يبعتلي رسالة يشتكيها فيها ويقولي أعرف أبويا ولا لأ أرد عليه أقوله إيه ؟!

وياريت الست اللي بتخون زوجها وبنتها شافت المحادثات بتعاتها اللي كلها سفالة وقلة أدب وخلت بنتها تفقد الثقة فيها وبتسألني هل بعد ما اتجوز حرام عليا أمنع ولادي من زيارة جدتهم لأنها إنسانة مش مؤتمنة على ولادي أرد عليها أقولها إيه ؟!! 

وياريت بقه كُتبنا العظام اللي شغالين مسلسلات صعبانيات وتبرير لخيانات الستات تحت بند إهمال الزوج وتصويرها في دور الضحية إبراز الضحايا التانيين!!!