______________
سلامى لقـلبَـك الحـاضِن
عُـيونى بـخوف ..
سلامى لـعينـَك العاشـقة
حـنان قـلبى
و مِن غير شُـوف ..
سلامى لكل كلمة حُب
مَغرورة بـهواكْ لِيّـا
و مَع ذلك
غُـناها كسـوف ..
سلامى للـدّفا فــ صوتـَك
المليـان دُعـا ليّا
فى كونى يطـوف ..
سلامى لأحلـى تـَنهيـدة
مِسـافرة فى الهَوى
مسافـات ..
و لَن تِهدا ولَن تِرتـاح
إلاّ بالسّـكـَن فيّا ..
سلامى لغِـنوة وقَصيدة
بتِحكى للقـمر
حِكـايات ..
وتِغزلنى فــ هَواك
فَرحة وحِنـّية ..
سلامى لـوردة
أوراقـها مِنـَدّية ..
بتـزرَعها على خدودى
صـُبح و لــيل ..
و تِهمس لى :
خدودِك يا حبيبتى
جنـيـنة ما تـتـساب ..
فــ تـِحيينى بالأمـل
لو غاب ..
و تـِتـصَبَّر بها روحى
اللى دايبة عـذاب ..
سلامى للجَرح اللى بين
إيــدى
فى لحظة طاب ..
و ذِكرىَ حزينة فى عيونـَك
قَـفَلْت عليها يا حبيبى
سِتارة و بـاب ..
سلامى للعـصـفور
اللى أسرارنا
ما بين جـِناحيـه ..
ولا بـيتقَل ولا بيسأل
لمـاذا و ليــه !
سلامى للصورة و للبرواز
و للحِلم اللى ساكن فيــه ..
و للحُضن اللى بينادى
وباجــرى عليه ..
فــ يـُسترنى فــ سَما
روحـُــه ..
ويحلَمنى فــ سـُكات
بوحـُـه ..
وشَهـْد غـرامى
دايب فيــه ..
سلامى لدُنيا بـَسّـامة
وأنا فيها ..
ورِمشـى ريـشَة رَسّـامة
فــ نـَواحيها ..
وكـُحل عيونى بـيونـِّس
لياليـها ..
سلامى غَـرام ..
صَلاة و قِـيام ..
وتَكــبيرة ..
رِسالة عِشق مَمْضيـّة
بــ أحلامى أنا وَيّاك ..
بــ أيامى اللى وَرديـّة ..
بــ حَتّى
قــَمـْصِة الغـيرة ..
سلامى يا حبيبى حَــياة
بِلا غُـربـة ..
بِلا حِـيرة ..
وشَـطّ أمـان
حُـدودُه
"رِمـْـش "
و" ضفــيرَة " ....
بقلمي
نجلاء محمود عبد الرحمن عوض البحيري
دينا سعيد عاصم
محمد سعد الدين محمد شاهين
يوستينا الفي قلادة برسوم
هند حمدي عبد الكريم السيد
د. ايمان احمد ابو المجد الدواخلي
هبة محمد محمد عبد الرحمن
عبير فاروق شعبان محمد
خالد عبد الرحيم خضير العامري
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
