#كوكب #زحل هيبدا تراجعه السنوي يوم 6 مايو واللي هيستمر ل23 اكتوبر وقبل ماشرح تأثيره هحكيلكم الاول عن #زحل
رغم ان زحل الكوكب اللي يبان اقسي واصعب كوكب في المجموعة الشمسية لانه مرتبط بالقيود والمسؤلية والدروس القوية الا انه هو المعلم الخاص بينا اللي بيكون سبب في نضجنا وتغيير شخصيتنا كل فترة حسب دروسه واللي بيعلمك ان مقاومة الدروس والمحن مش هتوصلك لشئ غير ان دروسك تكون اطول واكتر قسوة
مبدئيا زحل بيتراجع كل سنة من4 ل5شهور تقريبا فده مش ظرف كوني نادر ولا حادث جلل ده بيحصل كل سنة الفرق انك دلوقت هتتعامل مع التراجع وانت فاهم فلسفته علشان الدرس يعدي وانت مستفيد منه وبأقل اضرار ممكنة
زحل بيقعد سنتين ونص في كل بيت وبيكمل دورة كاملة حوالين الارض كل 30 سنة ولم يرجع نفس البيت اللي كان موجود فيه لحظة ميلادك بنسميها عودة زحل الاولي وعادة اغلب الناس بتجرب عودتين بس لزحل ع مدار عمرها علشان زي ماقلتلكم بيرجع كل 30 سنة واحنا مش ديناصورات معمرة اكيد :D
زحل من نهاية 2020 في الدلو وعلشان تعرف تاثيره هيكون في اي مجال في حياتك هتشوف ترتيب بيت #الدلو في خريطتك..طيب لو متعرفش خريطتك شوف الجزء اللي عندك في صعوبة وتقييد وقيود من اخر 2020 ..الشغل الصحة..الجواز..الحب ..وهكذا غالبا بيكون ده البيت اللي زحل راشق فيه ومتعلقليش تقولي حياتك كلها مضروبة علشان كده تبقي منحوس او ملبوس وزحل برئ منك
#زحل مش #كوكب شرير او موجود علشان يسبب مشاكل #زحل الكوكب السحري اللي لو فهمت دروسه هتكسب وتحقق امنياتك وحياتك تستقر لان ببساطة بيمثل دروس القدر والحياة والقيم والمبادئ والصعوبات اللي لو فهمت درسك منه واستسلمت وسلمت لقدرك مع استمرارك في السعي وبطلت ندب وشحتفة واتخليت عن المسار اللي انت ماسك فيه بايدك وسنانك رغم ان ربنا بعتلك كل الاشارات انه مسار فاشل او مؤذي هتشوف الباب المفتوح في حياتك واللي مستنيك تبطل غباوة وعمي وكبر علشان تدخله
البوست الجاي هحكيلكم بقي عن تأثير تراجعه ع الكل وازاي نتعامل معاه
#نشرة_اخبار_الكواكب
كريمان محمد عبد السلام عفيفي
د. زينب عبد السلام محمد أبو الفضل 
د. سمير عبد الله حماد
د. محمد محسن ابو النور 
نسمة عبد العظيم تليمه
هند حمدي عبد الكريم السيد
م. اشرف عبد الصبور الكرم
ابتسام محمد فلاح
دينا سعيد عاصم
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
فيروز أكرم القطلبي 
د. نهى فؤاد محمد رشاد 
2
-1
