بكرة الشمس هتقترن اقتران صميم"يعني الاتنين هيكونوا في نفس الدرجة" بعطارد المتراجع في #الجوزاء بيت التواصل والاتصال والمواصلات هيكون يوم مناسب جدا لانك تنهي وتنجز اي اعمال لها علاقة بالورق خاصة ان الامور دي بتتعطل او بيظهرلكم فيها مشاكل طول فترة #تراجع_عطارد اللي بدات 10 مايو ومكملة ل3 يونيو

استغلوا اليوم في تقديم او انكم تبعتوا لوظايف جديدة للي بيدوروا ع شغل طبعا

يوم مناسب انكم تعملوا صيانة للعربية او الاجهزة الكهربائية او الموبيلات اللي عطلت الفترة اللي فاتت

يوم مناسب للمطالبة بديونك او تسديد ديونك برضه

بكرة يوم طاقته فيها ظهور لناس قديمة في حياتنا او حتي نقابلهم صدفة بشكل مفاجئ وهيختفوا تاني فمتحطوش امل كبير ع ده

يوم برضه طاقته فيها انكشاف حقايق عن طريق الصدفة او زلة لسان في خناقة او غلطة كتابية فركزوا 

لكن بما ان في نفس الوقت #عطارد هيكون عامل تربيع مع #زحل فده ممكن يخلي الامور متمشيش بسرعة اوي لكنها هتنجز برضه 

الوضع الفلكي ده هيستمر 24 ساعة بس بعدها #عطارد هيكمل تراجع وهيكون محترق بالشمس وهيدخل #الثور كمان يومين متراجع وده ممكن يسبب مشاكل كتير في قطاع المال والاعمال وهنسيب ده لوقته 

المهم بكرة فرصة الي حد ما كويسة تنجزوا بيها امور معطلها #تراجع_عطارد

#الشمس في #الجوزاء هتنشط جدا التواصل بين الناس ومفيد جدا للناس في اللي بتشتغل في مجال الاعلام والصحافة  وهينشط السوشيال ميديا وناس كتير ممكن تتشهر من غير مناسبة ..الكلام هيرجع يكتر تاني والرغي ع الشات بالساعات والتليفونات بس نخلي بالنا اوي لان تراجع عطارد هيكون سبب في انتشار الاشاعات وسبب في زيادة النميمة وان ناس تتكشف اسرارها بشكل واضح فاحذروا الفضفضة والرغي مع اي حد وخلي بالكم اوي من رسايلكم وموبايلتكم  وصوركم الشخصية واي شئ تخافوا عليه 

ممكن تكون فترة انكشاف اسرار وظهور فضائح او اشاعات تخص مشاهير وتحديدا اعلاميين او كتاب او ربما كمان نسمع تصريحات او زلات لسان  لرؤساء دول او حكومات تعمل قلق ويبقوا تريند

#نشرة_اخبار_الكواكب