بينضم لكل الكواكب المتراجعة في السما كوكب #عطارد وبعتبره اهم تراجع بيأثر بشكل مباشر ع حياتنا وبنحس بيه بشكل واضح لانه الكوكب المسؤول عن التفكير والتواصل والاتصالات والاوراق 

عطارد بيتراجع 3 ل4 مرات سنويا يعني ده حدث عادي بس طبعا كل تراجع في بيت ودرجة واتصال مختلف ..#عطارد هيتراجع من 9 سبتمبر ل2 اكتوبر في #برج #الميزان ويكمل تراجع في #العذراء وده هياثر ع الامور اللي بيحكمها كوكب عطارد وبيت الميزان والعذراء في خريطتك الفلكية لكن بشكل عام تراجع عطارد بيسبب تشويش واضح في افكارنا..انعدام للتركيز..كسل ..رغبة اكبر في النوم..نسيان ..

بتزيد المشاكل بسبب الكلام وسوء الفهم فراجعوا كلامكم قبل ماتكتبوه او تبعتوه او تنطقوه

بيزيد انتشار الاشاعات وتعطيل لرحلات ووسايل الموصلات والانترنت

خلي بالكم جدا من معاملاتكم المالية وحسابتكم البنكية وتحويلاتكم للفلوس خاصة الاسبوع الجاي

اهم شئ بنلاحظه فترة تراجع عطارد اننا بنفكر كتير في ذكريات الماضي بنفتكر ناس كانوا في حياتنا وناس توحشنا بشكل مفاجئ واسترجاع ذكريات وده بيكون السبب الاساسي في ان ناس او علاقات قديمة بترجع تظهر في حياتكم تاني بس اللي لازم تعرفوه ان اي شخص بيرجع مع تراجع عطارد من اللي انفصلنا عنهم من فترة طويلة لا يعول عليه وبيختفوا تاني بعد مع عطارد يتعدل تاني "انا بنبهكم اهو علشان مترجعوش تعيطوا "

طول فترة تراجع عطارد اسرارنا مبتكونش بامان فلازم تخلوا بالكم من رسايلكم وايميلاتكم وصوركم ..بيزيد سرقة الموبيلات والسيارات وتسريب المعلومات وسرقة حسابات التواصل الاجتماعي

تراجع عطارد مش افضل وقت لتوقيع العقود ولا الجواز ولا الخطوبة ولا نقل من بيت لبيت ولا للسفر الداخلي 

اكتر ناس بتتاثر بتراجع عطارد هيكونوا برج الجوزاء العذراء الميزان بيحسوا برغبة اكبر في الانعزال وقلة الكلام 

بيزيد ادوار البرد ومشاكل الجهاز التنفسي والهضمي تحديدا من نص سبتمبر

تراجع الكواكب بيكون احيانا ايجابي جدا للبعض بيرجع ناس او فرص او وظايف وكل واحد حسب دروسه 

طبعا الحياة مش بتقف وفي ناس ولا بيتاثروا بده وغالبا اللي عطارد متراجع في خرايطهم الميلادية وعلشان كده اللي مضطر يعمل اي حاجة من اللي مش مناسبة في #تراجع عطارد يطلع صدقة اي يوم اربع وتقروا الغاشية يوميا والا من اتي الله بقلب سليم بنية تيسير الامور وتجنب التعطيلات

#نشرة_اخبار_الكواكب