#القمر لسه مكمل في #الثور ورغم انه بيت شرفه وبيكون فيه الطاقة لطيفة لكن اكيد اغلبكم حس بتغيير في طاقته بعد 9 بالليل امبارح وبعد مالطاقة كان فيها حيوية قلبت افكار سوداوية وخوف من غير مناسبة وقلق وتوتر ليه بقي وربما البعض كمان حس من غير سبب بحساسية في بشرته او جلده حتي لو مش بيعاني من اي مشكلة جلدية؟
#القمر عمل تربيع مع زحل ودي من اتقل الطاقات اللي بتغير مودنا والحمد لله انها عادة مبتستمرش اكتر من 48 ساعة وبما ان زحل كمان متراجع فالطاقة بتكون خنيقة اكتر وبتحسسنا بقلق وانعدام ثقة في نفسنا وبتقلب ذكريات قديمة واغلب المتأثرين بالطاقة دي برج #الميزان و #الثور و #السرطان و #زحل و #الدلو و #العقرب سواء ابراج شمسية او طالع
في كمان زاوية تقيلة بدات من يومين وهتستمر طول الاسبوع وهي تربيع المريخ مع بلوتو المتراجع يمكن تاثيرها ع المستوي الدولي اكبر وممكن نشوف حوادث عنيفة في احد الدول وربما كمان حوادث احتيال كبيرة مش مجرد مستريح او نصب عادي لان بلوتو متراجع في الجدي بيت رجال الاعمال والسلطة
ع المستوي الشخصي لازم نخلي بالنا وتحديدا ابراج الحمل والعقرب والكل طبعا من الدخول في اي نزاع مع سلطة اعلي ونخلي بالنا من النار والالات الحادة لان الزاوية دي بتزود طاقة العنف والتهور والتمرد تحديدا مع استمرار تربيع الشمس لنبتون اللي قلتلكم انها بتزود الوهم والمشاكل النفسية واللجوء للمخدرات
حاجة مهمة حابة اضيفها مش كل اللي بكتبه في النشرة له علاقة بحركة النجوم وعلم الفلك بسفي امور وعلوم تانية بستعين بيها لتحليل الطاقة والاحداث فبالتالي مش هتلاقوا تفسيره في الزوايا الفلكية علشان اللي بيحاولوا يتعلموا فلك ميتسحلوش معايا او يلخبطوا معلوماتهم
الكواكب مش متسلطة عليكم ولا حاجة ببساطة ده حال الارض النجوم بس بتحكيلنا مش اكتر والتكيف مع الطاقات التقيلة السلبية هو اهم تحدي يومي هتتعامل معاه لان كل مالتكنولوجيا بتتطور الانسان بيفقد مهارته الطبيعية للاتصال بالكون وبيقل تكيفه مع اي طاقة وعلشان كده احنا الجيل الاضعف روحيا وجسديا وطاقيا من كل الاجيال اللي سبقونا
#نشرة_اخبار_الكواكب