الزواج تكامل لا تفاضل

أميل للإشتراك بالجموعات groups الاجتماعيه ….
من مروري عليها لاحظت اسباب معظم مشاكل مجتمعنا……..
للأسف
معظم الشباب بيدخل قصة الزواج
بإن هو هيبقى …….سي السيد
بلا أي شك……..
و إن هي هتبقى ……..الست أمينه
طاعه عمياء
و هذا بخصوص ان سعادته الآمر الناهي ……السيد المطاع
و ناسي سي هو …..ان سي السيد
كان من القوامين على النساء
في كل شئ داخل البيت
مأمن كل احتياجات بيته و من بالبيت
متحمل كل المسؤليات حتى مسؤليات الزوجه ؛ فكان لديها شغالات و ليست شغاله واحده……..
طيب
يا سي هو ………يا جيل يا جديد
مش تقارنوا صح
هو ايه هو وجه الشبه بينكم و بين سي السيد
علشان تطلبوا الست أمينه ؟؟؟؟
مافيش أي وجه شبه بينكم و بين سي السيد اللهم الا التركيب الفسيولوچي فقط
انتم ما دوركم في البيت ؟؟
حتى لو بتقوموا بالمسؤليه
هل وفرتم شغاله للزوجه تعينها على المسؤليه ؟؟؟
حاولوا تبقوا منطقيين
مش معقوله فكرة السيد و الأمه ( مؤنث العبد) دي
حتى الدين لم يقل كده
الدين قالها مشاركه مش أسياد و عبيد
الدين قالها
" خلق لكم من أنفسكم أزواجا
لتسكنوا إليها "
ماقالش يا ايها الرجال
قالها عامة……. أزواج…… متساويين في الروح مختلفين في الدور الذي يقومون به
قال
" جعل بينكم موده و رحمه "
و لم يقل جعل بينكم استعباد!!!!!

دي لمن يريدها بالدين
و لغيرهم

عايزين مساواه
تبقى مسؤلية البيت مناصفه كما مدفوعية البيت مناصفه

الغريبه عالشباب
اللي عايزها مدفوعيه مناصفه
و مسؤليه مش مناصفه
لا
اختاروا كل اختيار بمميزاته و عيوبه

و حتى لو اختارتم القوامه الحقه
فبرضه
الزواج ليس حلبة مصارعه
كلمة مين اللي هتمشي
#الزواج #تكامل #مش #تفاضل
الزواج مشاركه و سند بالرأي
الزواج حياه
لما تقابلنا مشكله
نبحث عن حلها
و نستعرض الحلول
و ندرس مميزات كل حل
و عيوبه
و نختار بناء على أولوياتنا
لازم تتدربوا على التفكير السليم
و ليس الغطرسه و تحكيم الرأي
كفايه حقيقي
هدم البيوت و تشريد الأطفال
اتقوا الله في اطفالكم