= تعلمون اننى بكتب سلسة عما يحدث فى السودان .. وللوهلة الاولى قد تعتقد ان موضوع هذا البوست لا علاقة له بتلك السلسلة ... معلش اصبر عليا وحتعرف ان لهذا البوست علاقة وثيقة بما يحدث الان فى السودان ... وساشرح ذلك تفصيليا البوست القادم.
= ثانيا نظرا لطبيعة المعلومات الواردة فى هذا البوست .. فلن استطيع حاليا نشر كل ما اعرف وذلك حرصا على حياة وسمعة "بعض العظماء" ممن يضحون بحياتهم الان لخدمة وطنهم رغم ظروف معاندة لا يتخيلها احد .. وكمان حرصا على حياتى وسمعتي انا شخصيا .. لان اى تجاوز للخط الاحمر المرسوم من الموساد معناه الاغتيال جسديا او معنويا بالابتزاز والفضائح.
= ايه الخط الاحمر المرسوم من الموساد يا عم خالد ؟ انت حتهجص علينا ولا ايه؟ .. فى الحقيقة هما موضوعين .... الموضوع الاول كلنا عارفينه وهو القنبلة الذرية ... لو اى عالم اقترب من عمل القنبلة الذرية .. ولنا امثله كثيرة ... زى علماءنا سميرة موسى اللى تم اغتيالها بسيارة نقل فى امريكا بمجرد اعلانها عن رغبتها فى العودة لمصر ... ومصطفى مشرفة اللى قال عنه اينشتاين انه خليفته وتم انتشار اشاعات عن تسميمه حتى طلع اخوه وقال انه لا يملك دليل ... وسمير نجيب اللى برضة قتلته سيارة نقل فى امريكا بنفس طريقة سميرة موسى بمجرد اعلانه عزومه العودة لمصر .. ويحيى المشد اللى اغتالوه فى باريس لاقترابه من تصنيع قنبلة ذرية للعراق .. وسعيد بدير اللى اغتالوه فى الاسكندرية و غيرهم الكثير... و .... وكلنا عارفين ذلك.
= الموضوع التانى الذى لا يسمح الموساد لاى حد ان يقترب منه هو موضوع البوست ده ... واللى بسببه تم اغتيال عالمنا الفذ جمال حمدان .. وقبل ما تقولى مين اللى قال ان الموساد هو اللى اغتال جمال حمدان .. اقولك ان اللى قال كده هو رئيس المخابرات المصرية الأسبق أمين هويدي بنفسه !! بل أكد أن لديه ما يثبت أن الموساد الإسرائيلي هو الذي قتله .. كانت بداية الشكوك ان النار لم تصل لجسد جمال حمدان .. مع ان اللى قتله تعمد ان يصور الجريمة انها تسرب غاز ادى الى حريق .. بل ان د./ يوسف الجندي مفتش الصحة بالجيزة وقتها أثبت في تقريره أنه الفقيد لم يمت مختنقاً بالغاز .. وتبين لجهاز المخابرات العامة فيما بعد ان رجل وزوجته من عملاء الموساد قد استأجروا احد الشقق فى العقار قبل العملية بشهر وغادرا بعد العملية .. ما يهمنا فى هذا البوست هو اختفاء كل كتب ومراجع بل واى قصاصة ورق من بيته (كل الى لقوه فقط 3 كراتين فيها مراجع رسالة الدكتوراة بتاعته وكانوا محطوطين عند اخوه اللواء عبد العظيم حماد اللى قال له كلمة لن ينساها ان الخطر القادم على مصر قادم من الجنوب) .. كان العالم الكبير جمال حمدان على وشك اصدار كتاب يفضح اكاذيب الصهاينة (بخلاف كتابة الاشهر «اليهود أنثروبولوجيا») .. ووصل لنتيجة خطيرة لا ولن يسمح الموساد بنشرها ..
= نفس القصة تكررت مع العالمة المصرية د. سلوى حبيب اللى تم العثور عليها مذبوحة فى شقتها بعد اغتيال جمال حمدان بعشرة اشهر .. د سلوى كانت أستاذة بمعهد الدراسات الافريقيه (اللى كان اصلا معهد الدراسات السودانية راجع الحلقة الثالثة اللينك فى التعليقات ) ... المهم انها كانت متخصصة فى التدخل الصهيوني فى افريقيا .. بل بالتحديد فى اثيوبيا والسودان .. وقد زارات اثيوبيا عشرين مرة والسودان عشرات المرات .. واعدت دراسات مهمة جدا ... هذة المرة قام الموساد بذبحها وتصوير الجريمة انها جريمة اخلاقية .. فقد وضعوا على الترابيزة عندها كأس به خمرة ودبلة رجالى عليها حرف S وولاعة سجاير عليها بصمة يد .. وسرقوا 3 الالاف جنية (والغريب انهم لم يسرقوا مجوهراتها اللى اغلى من كده بكتير) .. ولكنهم سرقوا كل الكتب والمراجع والمسودات واى قصاصة ورق ... حتى مسودات كتابها الاخير "التغلغل الصهيوني في إفريقيا" .. اللى اكتشفته المخابرات العامة بعد ذلك ان فى عنصر تابع للموساد اتصل بالدكتورة سلوى وقال انها مرشحة لجائزة نوبل ويريدون تسجيل صور لها فى مكتبتها واخد ميعاد لفريقه للذهاب لبيتها .. وعندها تم ذبحها وسرقة كل مكتبتها.
= ما اكتشفه د. جمال حمدان .. وما اكتشتفته د. سلوى حبيب هو بالادلة والمستندات الدامغة ان " اغلب الصهاينة اللى فى اسرائيل حاليا ليسوا احفاد سيدنا ابراهيم" .. وانهم من نسل مختلف ... وهذا يدمر تماما الدعاية الصهيونية انهم اولاد عمنا وان دى ارض الميعاد اللى وعدهم بها الرب بل يدمر ما يدعى الديانة الابراهمية اللى بيدعوا لها الان ... لانهم ببساطة ليسوا من نسل ابراهيم اصلا !!! ... وهذا ما لا يسمح بنشره الموساد ابدا ...
= عاوز تعرف ايه علاقة ده باحداث السودان .. طب ركز كده مين اللى بيدعوا للديانة الابراهيمية المزعومة؟ مين بنى مجمع للاديان عنده ؟ مين الراع الرسمي لحميدتى ؟ مين اللى بيتحكم فى السودان ودولة اخرى مجاورة له ؟ مين زار مصر قبل احداث السودان بساعات ؟ ... ده موضوع الحلقة القادمة لو ربنا كتب لينا عمر ... يتبع
1
-1
