تاميكوم و اللصوصية ونومة المغربية

هذه القصة أبطالها أربعه أعضاء من تاميكوم فضلا عن العبد لله (بطل القصه)!!.

وهى بالمناسبة قصه حقيقية حدثت بالفعل والنهارده كمان (مكملتش ساعتين)!!
طلب منى محمد -الريس محمد- رئيس تاميكوم ومؤسسها
أن اسرق !!!!

نعم هذا ما طلبه منى بالفعل ولكنها سرقه لأهداف نبيلة
طلب منى أن اسرق (زينب) العضوه (آية الله)

ان اسرق عملا أو اثنين من أعمالها التي لم تنشر بعد
ليقوم هو بنشره فى تاميكوم باسمها (هيعملهالها مفاجأة يعنى!!)
يبقى أهداف نبيلة ولامش نبيلة؟؟
لا اعرف لماذا طلب منى أنا تحديدا أن افعل هذا؟!.. ربما لانها كانت جارتي!!
استغللت فرصه عدم وجودها بالمنزل وعدم وجود اى احد أصلا بمنزلهم فضلا عن أنها اعتادت ترك شباك الحمام مفتوح فدخلت منه وقمت بسرقة عملين لها.. قصيده وحاجه تانيه مش فاكرها (كنت متذكر اسم القصيدة) ولكن يبدو أنى نسيته فخضم الأحداث (دى سرقه برضه وليها خضه- أول مره بقى)
المهم أن المهمة تمت بنجاح
اتصلت به- محمد- فحضر على الفور كان هو والسيدة حرمه(د. مسلمه) وكان مبتسما وسعيدا جدا !!
ولابس نفس (الترنج) اللى متصور بيه عالفيسبوك وشكله نسخه من الصورة اللي عالفيسبوك (سبحان الله)!!
أنا لا اذكر أصلا كيف حصلت على الأعمال اى هل كانا مكتوبين فورق مثلا أم على جهاز الكمبيوتر.. اخدتهم ففلاشه؟ ولا صورته؟ مولا قطعت الورق؟ (أحيانا تسقط بعض التفاصيل الغير مهمة فالأحلام !!)
طبعا كان هذا حلما أمال هيكون ايه غير كده!؟
ولا اذكر طبعا كيف سلمتهم له (تفاصيل غير مهمة) ثم هناك جزء مفقود فالحلم ملخصه أنى كنت اشعر بالذنب تجاه زينب(ايه الله) ما هذا الذي فعلته لقد تعديت على خصوصيتها؟ كيف اسرق ؟
الله يجازيك يا محمد جعلتني مجرماَ!!
كان شعور حقيقي بالذنب لفعلتي تلك ولكن خلاص سبق السيف العزل
لم اخبر (ام مصطفى) التي كانت نائمة(مش عارف العيال كانوا فين؟ ملهومش حس فالحلم ده مش عوايدهم يعنى!!)
اكيد لو عرفت باللى عملته لن تسامحني على فعلتى تلك
انا أيه اللى عملته ده؟ .. (زينب) هتزعل بجد والله ..ادى اللى خدناه منك يا محمد!!
وفنهايه الحلم لأنه كان فيه جزء مفقود آخر كنت ابحث عن صينيه المكرونة اللي فالفرن لأني كنت جعان جدا ورائحة الكفتة (مش هقلكم بقى)
المهم أنى عند تلك النقطة استيقظت !!
لاكتشف أنى لم أصبح مجرما بعد ولم اسرق أعمال( زينب) الحمد لله
وذهبت فعليا للبوتاجاز بحثا عن باقي صينيه المكرونة لأني كنت جوعان فعلا وبجد المرة دى
بس مكانش فيه (كفته) بصراحة
الكفته دى بقى اللى اكلتها سندوتشات فالشغل النهاردة بس كانت(مش ولا بد خالص) فمتغديتش تقريبا ونمت جوعان وتأخرت أيضا فنومي لاستيقظ بعد المغرب وما أدراكم ما نومه المغربية وكوابيسها
واللي أخفها كابوس اللصوصية ديه
الدروس المستفادة
أنت مش أنت وأنت جعان ومتنامش تانى جعان
استحمل وبلاش منها نومه المغربية لأنها مش النومه اللى هيه
لا تأكل سندوتشات كفته غير معلومة المصدر فالحقيقة لأنها تحولك للص فالمنام
لن اسرق لأجلك ثانيه يا( محمد) مهما كانت معزتك عندي ومهما كانت دوافعك نبيلة
سمح النوبادى يا (زينب) واقفلي شباك الحمام وعزلي من جنبي اضمنلك!!
(د.مسلمه) كنت منوره والله
(ام مصطفى) لست لصاً والمكرونه كانت هايله تسلم ايدك(ده فالحقيقة)
والكفتة اللى عملتيها فالحلم برضه لسه شامم ريحتها(كانت هايله برضه).
وختاما شكرا لحسن استماعكم
وعاوزين نشوكم فالحلم الجاى
ويجعله عامر