(( بعد الكسر جبر )) جوا مني كلام كتير لا له دلاله ولا تفسير هم وشيلته فوق كتافي لاجل الغوالي حِمله يسير مليون سؤال من غير جواب وغياب أحبه بدون عتاب جرح غاير جوا مني لا له دوا ولا عمره طاب أنا ذنبي إيه علشان بريء ولا عمري كنت في يوم جريء كل الحكايه إني بسيط بس ببساطه بقيت غريق ماشي أحدف في الورود وقصادها بحصد ليه جحود ؟!! تمن الطيابة ليه رخيص والغدر تمنه ف الصعود عالم عجيب ناسه غريبه كل أحوالهم وأشكالهم مريبه تلقى العسل مالي كلامهم بطعم ماسخ وريحته خيبه ليه كل مايل أروح بإيدي و أعدله؟؟ أو أي مظلوم أجيب له حقه وأنصفه؟ ليه هكون بلياتشو خايب اللي يعدي عليه تمللي يبهدله أسف يا حقي لما بخستك وسماح يا قلبي عشان كدّبتك كل الحكايه إني بصدّق ودي هي خيبتي وبرضه خيبتك نقولها تاني :  نقطه ومن أول السطر وإن ويا العسر يسر وطول ماربك عليم وشاهد يبقى بعد الكسر جبر