قاطعتها حسنيه بحنق شديد:

-بكفياكى حكى عاد كفرتينا بذكرياتك دى .احنا عاوزين ننسوا أيام الفقر والعذر .ارحمينا بقي ياشيخه

محمد: اخرسي يابت جاك خابط

حسنيه: ﻻمش هخرس والتفتت إلى الجدة مهلله: 

-تقدرى تقوليلي ايه اللي عملتيهولنا دلوق وﻻ عشيه ايه اللى عملتيهولى أنا بالذات .كلهم خدوا شهادات عاليه إﻻ انا كلهم إتجوزوا جوازات حلوة إﻻ انا جوزتينى راجل كبير كد أبويا اشتغلتله ممرضه سبع سنين لحد مامات وسابني ب أربع عيال ﻻمعاش وﻻ مرتب وﻻ ضهر يسندنى 

فقاطعها أخوها:

-جرالك ايه يابت ماكلنا وقفنا جنبك وساعدناكى لحد مابقي عندك مهندسه ودكتورة وواد زى الفل فى كليه تجارة

حسنيه : ساعدتونى وﻻ كنتوا بتشحتونى..عيالى أنا اللي عملتهم وشقيت عليهم ياولد أبوي

محمد: كانك اتخبلتي اياك.طاب غورى دلوق

حسنيه: مش هغور ،واستطردت والدموع تنزلق من عينيها:

-أيوة ياخويا ماانت على قلبك زى العسل مش بينوبك م الحب جانب تلقاها مضيعه القرشينات عليك

محمد: بتقول ايه المخووته دى؟

حسنيه: اتخوت أنا دلوكيت عشان عايزة حقى بقيت مخووته

محمد: حق ايه يابت كسر حقك انتى مش خدتى نايبك

حسنيه: والدهب ياخويا

محمد: دهب ايه يابت؟

حسنيه: زتونه وحجل وحلق وكردان بدورين هتوديه فين أمك بعد مابقت عضم فى قفه

محمد: يابت الدهب دا ستره أمك لما تموت

حسنيه: دا لماتموت.هى ﻻميته وﻻ عايشه وإحنا أولى بيه

خيم الصمت على الجميع وقال محمد ذابحا ذاك الصمت بعد مانفذ صبره: 

-إطلعى بره بيتى

فقاطعته الجده ملوحه:

-ﻻ ياولدى .أوعاك تزعط خيتك من بيتك طول ماانا عايشه وغنت بصوت مذبوح

-جا اليوم ياحزينه اللى ما يبكى فيه حد عليكى 

جا اليوم اللى ماتمسح دموعك غير إيديكي

وياريتك ماعيشتى وﻻ شوفتيه بعينيكى

غدر الزمن بيا ومال ومابقالى إﻻ البكا ياخال

دمعه عينى تحرقنى وقلبى اتشق م الحسر

محمد:شايفه حنيتها اللى ماتساوى كنوز الدنيا يابقرة

حسنيه:قصدك ايه يامحمد

محمد:بس بدل ما أخبطك ب قلم أقلم رقبتك 

حسنيه:تخبط مين ياخويا

فلوحت الجدة قائله بهدوء شديد مشيرة إلي ابنتها

تورى من جارى حديتك زى مَص اللمون مالوش عازه

حسنيه:أنا حديتى ماصخ ياأماي .ماشي تُكرمى عشان عضم التربه

وغنت الجدة بصوت يشوبه الفرح:

يا رايح قول للجاى القمح طاب ولالسه 

ماخيب ربى رجاى ودعوتى ليه فى كل حته

ديمها علينا يارب نعمه ونشكر فضلك فى كل لقمه

يارب جمَع ولدى ولاتفرقهم وإطعمهم ولاتحرمهم وإعطيهم وراضيهم

***تمت بحمد الله***