بصي يا حبيبتي اللي مش حنين على والدته ووالده وإخواته ومحتويهم واللي مش حنين وكريم مع أهله عموما مش ممكن حيبقى كده معاك اللي مالهوش خير في أهله مالهوش خير في حد.

حتى اللي عنده زوجة أولى لو ما بيتكلمش عنها كويس ويذكر محاسنها وماينساش الأيام اللي وقفت فيها جنبه يبقى حيعمل فيك كده ولو ظلمها حيظلمك ولو باعها حيبيعك لأنه مش متجوزك عشان هي وحشة هو متجوزك عشان عايز يتجوز وهو حر هو مش ملكية.

بس مجتمعنا الله يسامحه خلق منه إنسان كذاب على نفسه وغيره وانتقص من جرأته في إنه يعلن فعل حلال وصح.

اللي مايبقاش حنين على أولاده مش ممكن يكون حنين عليك ولا على أولاده منك.

الحنية والكرم من صفات سيد الرجال مهما كان على قده ومهما ضعف حاله