بالرغم من اني بكتب في اماكن كتير , بس برجع وبحن لبيتي الاول اللي اكتشفت فيه موهبتي
واللي اول مرة في حياتي حد يعلق لي على كتاباتي ويقولي الله بجد بتكتبي حلو
يعني الحمد لله للي وصلت له دلوقتي بقى ليا عدد لا بأس به من المعجبين
والناس بقت تقولي ياأستاذة اه والله :)
وكمان بياخدوا رأيي في كتابتهم .. ساعتها بحس بقيمتي
وقريب جدا هتباركولي ياتاميكومين على أول كتاب الكتروني ليا
كنت عايزة اعملها مفاجأة لحد ما اخلص الكتاب بس قلت افرحكم معايا :)
وأحب أشكر زوجة أخي أم مريم) وأخويا اللي عرفوني على المنتدى
وبالرغم من ده كله الا اني برجع لمنتداي وادعبس كده في كتاباتي القديمة
واقرأ ردود الناس عليا وأفرح أوي وكإني بقرأهم لأول مرة
واحشني ناس كتير وواحشني تعليقاتهم
واحشتني نهلة الجميلة ونادين الثورجية وكاتبنا الجميل احمد زيدان
وواحشني كتابات ابو مريم العظيمة .. طبعا طالع لاخته عبقري في الكتابات :)
وواحشتني مساجلاتي مع ام مريم زوجة اخي وانتيمتي :)
واحشتني خفة دم ماروكو بس بقولها ربنا يوفقك في حياتك مع الدكتور خطيبك
ومتنسيش تعزميني على الفرح
واحشتني سيلنت ووهاب في مساجلتهم
والاخ الفاضل الظاهر بيبرس بالرغم من انه كان دايما بينصحني باللغة العربية الفصحى
ومهما اقوله اني بكتب ادب ساخر ومينفعش الا بالعامية :)
وواحشتني زوجته الجميلة مريم ام جيسي
واحشتني تاميكوم زمان :)