#القمر خرج من #الجدي البيت اللي هو مبيحبوش واغلبنا قضي يومين دمهم تقيل دلوقت القمر في #الدلو رغم انه عملي برضه ومش عاطفي اوي لكنه طاقته اخف بكتير واجتماعي اكتر هتحسوا برغبة تتكلموا مع اصحابكم او تخرجوا معاهم او حتي تكونوا صداقات جديدة .. 

ع الرغم ان #قمر #الدلو هو افضل توقيت لشراء اجهزة كهربائية او الكترونية الا ان النهاردة منصحش بده نهائي لان #اورانوس مربع مع #القمر ده غير زاوية #عطارد زحل اللي بحذر منها من الاسبوع اللي فات واللي مسببة جو التوتر والافكار السوداوية الفترة دي ومنصحش لاخر الشهر باننا نبتدي اي مشروعات جديدة او مهمة لكن مناسبة جدا للتفكير والمراجعة

وارد يحصل اعطال كهرباء او اجهزة كهربائية والكترونية بدون مبرر فخلي بالكم ده غير اعطال العربيات وتأخير وسايل المواصلات والمواعيد 

 

هتلاحظوا شوية ان في ناس جديدة بتحاول تتعرف عليكم في وجود الزاوية دي بلاش اغلبهم هيختفوا بنفس سرعة ظهورهم واغلبهم اصلا هيكونوا شخصيات مش سالكة

احذروا الخلافات مع الاهل او الزوج  او مع مديرينكم او اي صاحب سلطة النهاردة الشمس تربيع القمر وده ممكن يخلق جو استفزازي شوية والمشاكل الصغيرة تكبر بدون مبرر بسبب زيادة الحساسية 

بدا النهاردة اقتران #الزهرة كوكب السعد الاصغر  بالمشتري السعد الاكبر ونبتون كوكب الحدس والاحلام اسعد زاوية فلكية هتعدي علينا السنة دي طاقة #قدر فعلا في ال10 ليالي الاخيرة من #رمضان واللي هيوصل ذروته اخر الشهر ..زاوية نادرة جدا في بيت الحوت بيت الروحانيات والنهايات قادرين تنهوا بيها اي مشاعر الم او تعلق او مشكلة معلقة في حياتكم من زمان..فيها جانب عظيم من الروحانيات وتجلي الاحلام والاشارات متفوتوهاش ..ادعوا كل لحظة بيقين..طاقة جذب سحرية فاحلموا وتخيلوا كل شئ ايجابي وتجنبوا اي فكرة سلبية تتخيلوها او تاثر عليكم ..طلعوا صداقات كتير بنية تحسن اموركم المالية وهتحسوا ببركة في حياتكم بشكل واضح..فترة مناسبة للتشافي النفسي والروحي وانكم تسامحوا اي حد علشان طاقتكم تنضف ..اتخلصوا من الكراكيب واي حاجة مش محتاجينها واتخلصوا من اي ذكري سلبية يعني لو محتفظين بصور #رسايل اي شئ بيسببلكم ذكري سيئة امسحوها ..استغلوا الطاقة الكونية النادرة دي تحسنوا طاقتكم وتخلصوا من كل شئ مخليكم مش عارفين تكملوا حياتكم

تجنبوا اي نشاط جسدي زايد..ممكن الام الرجلين تزيد معاكم اليومين دول والناس اللي عندها مشاكل في #الغدة_الدرقية الله يعينكم عليها

وكالعادة دي طاقة عامة بتأثر ع الكل بشكل متفاوت ملهاش اي علاقة ببرجك

#نشرة_اخبار_الكواكب