إللى عنده ام العيال
كيف يبص لحد غيرها
حب راسخ كالجبال
عِشِّى هيا وانا ابقى طيرها
اما غيرها !
أما غيرها دا شيئ محال
صعب الاقى إللى تقارنها
هيا روحى وهيا عمرى
وقلبى انا إتحدد مصيرها
يبقى كيف القلب يقسى
وكيف يرق لقلب غيرها ؟
............................
كنت بسمع أمى دايماً
ذاكره اسمى فى الدعاء
هيا دعوه واحده فعلاً
غيرها ماسمعتش دعاء
كانت تقول بعد الصلاه
ورافعه ايدها للسماء
يارب إبنى
واستجيب ليا الرجاء
إرزقه فى الدنيا حسنه
وآرزقه في الآخره حسنه
يارب يا سميع الدعاء .
كنت عيل
وافضل أسأل نفسى دايما
هوا ايه معنى الدعاء ؟؟؟
دعوتك يا أم الرجال
والأصل طيب
جنة الدنيا ونعيمها
جاتلى على هيئة 👈دعاء
......................
أحلى حاجه فى دنيتى
وحصلتلى هيا
وفى هواها الشوق
مالينى وزاد عليا
هيا فرحى وهيا جرحى
وابتسامتى والآهات اللى
فى صدرى وكل دمعه من عنيا
بردوا هيا
هيا نبض القلب
والضى فى عيونى
وهيا روحى
لو تغيب عنى شويه
........................
ايوه إنتى
إنتى قصه ومش حكايه
انتى أصلا من البدايه للبدايه
كُنتى حلم و كُنتى غايه
عمرى ما اتمنيت ف عمرى
يبقى ليكى ف يوم نهايه
إنتى جنه وانتى زهره
مستحيل الأرض دى
تنبت شبيهه أو قريبه
ياللى دمعاتك قريبه
ام ميدو وأم رودى وأم آيه
مستحيل تبقى حكايه
إنتى أصلا من البدايه للنهايه
دعوة أمى إللى صابتنى
لو سابتنى !
تبقى دي بداية النهايه😥
فكونى ضلّى ماتبعديش
كل ده وبتقوليلى ماحبتنيش😃
..........................
اقولك كيف ماحبتكيش؟
وانا ف بعدك
بحس الوقت مابيمشيش .
وبتعيشى وبتكملى
وبتداري عيونك شوق
وشوقى ازاى بغيروا أعيش
فامتخبيش .
انا وانتى بعيد عنى
تشوفني مرايتى تتدارى
وتحلفلى ما عرفتنيش
وبسرح فى اللُّؤا تانى
وطيفك جوا أحضانى
ودمك بيتوا شريانى
فينطق قلبك المشتاق
ضلوعوا ازاى
ماهيش سجنى وسجَّانى
ويصرخ فيكى من تانى
بيعشق وانتى بتدارى
كأنه مافيش ؟؟
فامتخبيش
.......................
وبفضل أعد فى الأيام
وبسأل ليه خصامى دام
فى بعدك احس لو لحظه
تمر كإنها ميت عام
وبسأل نفسى مش يمكن
تكون بتحبنى أكتر ؟
ومشتاقه كتير زيِّى
وقاعده بردوا بتفكر
انا من كتر شوقى إليها
مع روحى بجيب فى سيرتها واتذكر
وبسأل روحى مش يمكن
يكون شوقها لهوايا أكتر
دا انا من فرط إخلاصى مانيش ناسى
وبروى زرعها الاخضر
.....................
وببعد حبه عن فونى
ومشتاق بس صوتوا يرن
بقول يمكن تزور كونى
وقلبها مره بس يحن
وببعد تانى واتنهِّد
خلاص نسيتنى بالمره
وانا ملهوف عليها بموت
وهيا تعاود الكرَّه
وبرجع أقول دا مش ممكن
دى قالت مش هاتتأخر
وفجآه رن تليفونى
وايدى قبلها عيونى
وقولت خلاص أكيد هيا
وطاقة نور ملت كونى
حبيبتى راجعه من تانى
تدفى برد أحضانى
وحشت الننى يا طيب ...
بتجرح !!
بس بتطيب .
مخابش الظن فيك مره
وفى الناس كلها خيب....