من بعد شوق كل السنين

وقلوبنا كت متفرقة

فجأة قابلتك. والحزين 

مفرحش قلبي ب اللقا !

وقف أما شافك مطرحه

تايه في حالة من السكوت

حاسس بغربة بتدبحه

وكأنه قام من قلب موت

لا دموع ولا بسمة حنين

ولا نظرة مشتاقة لكلام

لا في ألم ولا في أنين

ولا حتى في كلمة سلام

 طول البعاد

حول ربيع قلبي لخريف

كتر العناد

خلاني شايفاك بس طيف

ساعتها بس خلاص عرفت

إن الفراق دة نصيبي فيك

وكأني بس ليك صادفت

علشان أودع حبي ليك...