معظمنا بيمر بفترات مبيكونش عارف يطبطب ازاي على قلبه مع انه محتاج ده بشدة ! و لما انت مش عارف تعمل ده لنفسك فانت كمان مبتكونش متوقع ان خد هيعرف يعمل معاك ده
فبتدخل في دايرة مغلقة من المشاعر اللي مش عارف تطوعها و بعدين تبدأ تشعر بشعور سئ تجاه شعورك بالمشاعر اللي انت مش عارف تطوعها و بعدين تفقد ثقتك في نفسك نتيجة ان في مشاعر مش عارف تطوعها ادت لوجود مشاعر أسوأ بانك مش مسيطر او عندك مشاكل و غيره و غيره و غيره
فأول خطوة عشان تطوع مشاعرك هو انك متنجرفش في الأسئلة حواليها
انت شعرت بشئ …. اسأل نفسك ايه الشعور ده و سميه
و ابدأ في الحل فوراً
مثال : طالع ع الاستيدچ تكلم ناس فمتوتر … عرفت انك متوتر حل التوتر ده
انما متدخلش في دوامة اسئلة من نوعية
طب انا ليه متوتر ؟
دي مش اول مرة اطلع على ستيدچ !
معقول اكون مش متأكد من كذا كذا ؟
طب اتأكد ازاي ؟
و غيره و غيره.
——————
تاني خطوة هو انك تعبر عن مشاعرك كما هي
متفضلش تفكر لو عبرت عن مذا هيحصل معايا كذا
و تعمل خطط لحاجة شعورية !
المشاعر شئ حقيقي فمتزيفهاش عشان خايف
كن حقيقي ♥️
———————
تالت خطوة اتعلم ادارة الحجات اللي ضغطاك .. مش ادارة الضغط نفسه !!!
يعني متقولش هتعلم اتحمل كذا كذا !!
لأ
قرر ان الحاجة دي بتضغطني فبلاش منها
الطريقة دي بتضغطني
الشخص ده بيضغطني
فبلاش منه
انما الضغط اللي انت شاعر بيه ده شئ طبيعي جداً و هيروح بادارتك للحجات اللي حسيتك ب ده
انما كونك تحاول تدير شعورك بالضغط فحتى لو نجحت في عمل ده مرة مش هتنجح كل مرة ! لأنك لم تدير سبب الضغط نفسه.
———————-
رابع خطوة و الأخيرة هو انك تحط حدود كويسة بينك و بين أي حاجة بتسببلك ضغط
يعني مش كفاية الخطوة اللي قبل ده بإن تم إدارة مسببات الضغط ! لأ ده انت تعمل حدود بينك و بينها ضروري
عارف ليه ؟
عشان انت لما بتبدأ تدير الضغوط من حواليك … الضغوط بتتوتر و بتلزقلك أكتر
فمهم تتأكد انك عملت بينك و بينها سور محدش هيتخطاه الا بمزاجك و بالطريقة اللي مش بتضغطك
ببساطة
2
-2
