باتفرج امبارح على فيلم بطلته عماله تضرب وتقتل و تنظر شذرا شمال ويمين..بتفكرنى بمدام ناديه الجندي وهى بتقول انا وليه مفترية ومحدش يقدر عليا..و أستاذة سماح أنور برده ايام ما كانت بتلبس لبس أخوها....أو بالإنجليزي
Female badass
عشان اللى تعليمهم اجنبى يعنى...
سألت نفسى سؤال..هل احنا محتاجين نسابق الرجال "بشروطهم" عشان نثبت احقيتنا للاحترام والمساواة/العدالة و الجدارة؟
الرجاله حطوا زمان مقاييس لتتويج ذكر القبيلة الأوحد...أنه يكون قوى و قبضته تطيح بالأعداء و زغره من عينه توقع الطير من على السجر...اتطورت الفكرة واخدت اشكال متعددة... البطل الحربى ....جيمس بوند... الابطال الخارقين فى المعظم....
هل دا مجال اثبت فيه انى "زيهم بالضبط" ..قتاله قتلا و دمى بارد ومعنديش حدود ولا اخلاق وممكن اضرب بالنووى؟
الحقيقة...لا...هو دا لو اثبت شىء فهو أن البشر ككل كائنات فيها ميل دموى و حب لفرض السيطرة عن طريق القوة الغاشمة...وان كلنا زفت....زى ما نكون بنسابق خنزير على المرمغه فى الطينه....كلنا نستاهل أحكام اعدام فى وقت ما...
القدرة على فعل شيء حاجه...و دلالة الفعل دا حاجه تانيه..اه البنى ادمين يقدروا يعملوا كل حاجه سواء كانوا ذكور أو اناث فى حدود قدراتهم العضلية (اللى بتختلف من فرد للتانى و من نوع للتانى) وحدود قدراتهم الذهنية والنفسية (اللى دور النوع فيها منحسر جدا و الاختلافات الفردية أعلى ) ...لكن كون الفعل دا يدل على استحقاق معين ...فدا يتفاوت جدا حسب أخلاقية الفعل و دوافعه وتوابعه كمان على المحيطين...
و اذا كان قدرتنا على القتل بتقول شىء..فهى تبا للإنسان بشكل عام....
أيمن موسي أحمد موسي
د. سمير عبد الله حماد
آية عطية عبد الفتاح الغمري
د. احمد البحيري 
محمد حماده رزق السيد الشافعي
كنوز صلاح أحمد صالح طايع
ريهام عبد النبي خميس أحمد
حاتم ابراهيم محمد سلامة 
د. زينب عبد السلام محمد أبو الفضل 
د. عبد الوهاب المتولي بدر 
ياسر محمود سلمي 
حنان صلاح الدين محمد أبو العنين 
د. عزة محمد بركة 
د. شيماء أحمد عمارة 
زينب حمدي 
هبه عبد الفتاح عثمان الدقوني 
نادين يسري يونان 
د. محمد عبد الوهاب المتولي بدر