طيب المجندين دول معظمهم ما كملوش تعليمهم زينا
و فيه منهم كتير ما تعلموش أصلا
يعني لا درس تاريخ مصر و لا حتى قراه
منين جابوا هذه الوطنيه ؟!!!!!
إزاي إتزرعت فيهم و ثبتت كده !!!!
و في وقت قياسي !!!!!!
فترة التجنيد كلها لا تتعدى الثلاث سنوات
دول ناس بلا مبالغه قاتلوا لآخر نقطه من روحهم
مفيش صدق أعلى من كده
مفيش اصدق من مواجهة النهايه .....الموت
أنا مش لاقيه مبرر لوطنيتهم دي باختلاف منشأهم
سوى
عقيدة الجنديه
انا باحلم ان تلك العقيده يتم تدريسها بالمدارس منذ الصِغر
مش عايزه أشوف أشكال الناس المستهتره ببلدها دي لا في الشارع و لا في السوشيال ميديا
خاصة
ان الشباب المستهترين دول بيبقوا وحيدي والديهم و مالهمش جيش
يبقى ازاي هنوصلهم هذه النبته و هم مش هيتجندوا
اتمنى
حلمنا يوصل لوزير التعليم و واضعي المناهج الدراسيه
لابد من تدريس عقيدة الجنديه لكل مصري و مصريه
كفايه خسرنا جيل ما قبل .....الإختيار
الإختيار لو لم يتبعه قوه ناعمه بنفس المستوى
سيتلاشى تأثيره بمرور الوقت
لكن زرع عقيدة الجنديه لن ينمحي مادامت الحياه
و تحيا مصر