بهداوة ... بهداوة

أشواق قلبى
قربت على الرحيل
بعد سهر أيام
فى ليل طويل
أشوفه ماشى جنبى
أجرى بلهفة عليه
الأقيه يبعد عنى
ويدارى رمش عينيه
وأفضل أحايل فيه
وهو سايق فى دلاله وأتمنى يوم أراضيه
وهو متعايق بجماله
الحب مش جمال وبس
الحب طبع.. ورقة.. ولهفة
وحاجات كتير تتحس
وأشواق بتيجى على غفلة
اتغير معايا الأسلوب
واتغيرت كمان القلوب
وتعمل كأنك مغصوب
يبقى ليه أنا أحب وأدوب
بهداوة ... بهداوة
أنا قلبى داب ياما
وإن كنت أنت آسيت
أنا ياما سمعت ملامة
لو رجعت ليا وحنيت
هنسى أى ملامة
ولو زدت فى هجرك ونسيت
هقولك مع السلامة .